25 jyl buryn qala halqyn úreide ustaǵan Valerii Krichinevskiidiń qolynan 10-nan astam adam qaza tapqan. Kezinde «balta ustaǵan maniak» atanǵan ol qurbandaryn zorlap, óltirip otyrǵan, dep habarlaidy ult.kz.
Onyń buǵan deiingi sońǵy qurbany 7 jasar qyz bolatyn. Qaskói búldirshindi temirjol boiynda aiaýsyz óltirip, tonynan ózine tápishke tigip alǵan.
2024 jyly bostandyqqa shyqqan ol áleýmettik beiimdeý ortalyǵynda turyp, elektrondy bilezik taǵyp júripti. Alaida arada eki jyl ótkende, saiajaidan kele jatqan 54 jastaǵy áielge tap bergen. Jábirlenýshi jaqyn mańnan ótip bara jatqan adamdy kórip, aiqailap kómek shaqyrýdyń arqasynda qashyp qutyldy.
SQO politsiia departamenti 62 jastaǵy kúdiktiniń izin sýytpai ustalyp, qamaýǵa alynǵanyn málimdedi.
