Dziýdodan Qazaqstan quramasy jasóspirimder arasyndaǵy álem chempionatynyń aralas komandalyq jarysynda alǵash ret jeńiske jetip, tarihi nátijege qol jetkizdi. Álem birinshiligi Ekvadordyń Gýaiakil qalasynda ótti, dep habarlaidy ult.kz.
Komandalyq chempiondyq ataq qazaqstandyq dziýdoshylardyń jekelei jarystardaǵy rekordtyq kórsetkishiniń jalǵasy boldy. Sportshylarymyz úsh altyn, úsh kúmis jáne tórt qola — barlyǵy 10 medal jeńip aldy. Uldar komandalyq esepte birinshi, al qyzdar ekinshi orynǵa ie boldy. Fatima Sýpyǵalieva jasóspirim qyzdar arasynda álem chempiony atanǵan alǵashqy qazaqstandyq dziýdoshy retinde tarihqa endi.
Bul jetistikter Týrizm jáne sport ministrliginiń Qazaqstan dziýdo federatsiiasy jáne «Jeńis» klýbymen birlesken júieli jumysynyń nátijesi boldy. Parijdegi Olimpiada oiyndarynan keiin Ministrlik qurama komandalardy daiarlaý tásilderin jańartýǵa kiristi. Otandyq bapkerler Etsio Gambanyń komandasyn qosa alǵanda, jetekshi sheteldik mamandarmen tyǵyz yntymaqtastyqta jumys isteidi. Al jasóspirimder, jastar jáne ulttyq quramalardy daiarlaý úderisi biryńǵai ádisteme aiasynda biriktirilýde.
«Biz birtutas daiarlyq júiesin qalyptastyryp jatyrmyz: jasóspirimder — jastar — ulttyq qurama — Olimpiada oiyndary. Sportshy bir jas sanatynan ekinshisine ótken kezde daiyndyqty qaita bastamaýy tiis. Ol biryńǵai talaptar, ǵylymi súiemeldeý jáne naqty damý traektoriiasy qamtylǵan ortaq model aiasynda jumysyn jalǵastyrady. Komandalyq altyn men jekelei jarystardaǵy rekordtyq on medal — jańa júieniń tiimdi jumys istep jatqanynyń naqty dáleli. Endigi mindetimiz — osy tájiribeni basqa sport túrlerine kezeń-kezeńimen engizý», — dep atap ótti Qazaqstan Respýblikasynyń Týrizm jáne sport ministri Erbol Myrzabosynov.
Biryńǵai model jattyǵý úderisin ǵylymi turǵydan taldaýdy, fýnktsionaldyq diagnostikany, júktemelerdi jeke josparlaýdy, sporttyq meditsinany, qalpyna keltirýdi jáne ár sportshynyń damý dinamikasyn turaqty baqylaýdy qamtidy. Bul jumysta qurama komandalardy ǵylymi jáne taldamalyq súiemeldeýmen qamtamasyz etetin Ulttyq sport ýniversiteti mańyzdy ról atqarýy tiis.
Osyndai tásilder jetekshi otandyq jáne sheteldik mamandardy tarta otyryp, semserlesý, boks, kúres jáne basqa da sport túrlerine júieli túrde engizilýde. Dziýdodan Qazaqstan quramasynyń nátijesi sport rezervi men ulttyq komandalardy daiarlaýdyń jańa júiesiniń tiimdiligin aiqyn kórsetti.
