دزيۋدودان قازاقستان قۇراماسى جاسٶسپٸرٸمدەر اراسىنداعى ەلەم چەمپيوناتىنىڭ ارالاس كوماندالىق جارىسىندا العاش رەت جەڭٸسكە جەتٸپ, تاريحي نەتيجەگە قول جەتكٸزدٸ. ەلەم بٸرٸنشٸلٸگٸ ەكۆادوردىڭ گۋاياكيل قالاسىندا ٶتتٸ, دەپ حابارلايدى ult.kz.
كوماندالىق چەمپيوندىق اتاق قازاقستاندىق دزيۋدوشىلاردىڭ جەكەلەي جارىستارداعى رەكوردتىق كٶرسەتكٸشٸنٸڭ جالعاسى بولدى. سپورتشىلارىمىز ٷش التىن, ٷش كٷمٸس جەنە تٶرت قولا — بارلىعى 10 مەدال جەڭٸپ الدى. ۇلدار كوماندالىق ەسەپتە بٸرٸنشٸ, ال قىزدار ەكٸنشٸ ورىنعا يە بولدى. فاتيما سۋپىعاليەۆا جاسٶسپٸرٸم قىزدار اراسىندا ەلەم چەمپيونى اتانعان العاشقى قازاقستاندىق دزيۋدوشى رەتٸندە تاريحقا ەندٸ.
بۇل جەتٸستٸكتەر تۋريزم جەنە سپورت مينيسترلٸگٸنٸڭ قازاقستان دزيۋدو فەدەراتسيياسى جەنە «جەڭٸس» كلۋبىمەن بٸرلەسكەن جٷيەلٸ جۇمىسىنىڭ نەتيجەسٸ بولدى. پاريجدەگٸ وليمپيادا ويىندارىنان كەيٸن مينيسترلٸك قۇراما كوماندالاردى دايارلاۋ تەسٸلدەرٸن جاڭارتۋعا كٸرٸستٸ. وتاندىق باپكەرلەر ەتسيو گامبانىڭ كومانداسىن قوسا العاندا, جەتەكشٸ شەتەلدٸك ماماندارمەن تىعىز ىنتىماقتاستىقتا جۇمىس ٸستەيدٸ. ال جاسٶسپٸرٸمدەر, جاستار جەنە ۇلتتىق قۇرامالاردى دايارلاۋ ٷدەرٸسٸ بٸرىڭعاي ەدٸستەمە اياسىندا بٸرٸكتٸرٸلۋدە.
«بٸز بٸرتۇتاس دايارلىق جٷيەسٸن قالىپتاستىرىپ جاتىرمىز: جاسٶسپٸرٸمدەر — جاستار — ۇلتتىق قۇراما — وليمپيادا ويىندارى. سپورتشى بٸر جاس ساناتىنان ەكٸنشٸسٸنە ٶتكەن كەزدە دايىندىقتى قايتا باستاماۋى تيٸس. ول بٸرىڭعاي تالاپتار, عىلىمي سٷيەمەلدەۋ جەنە ناقتى دامۋ تراەكتوريياسى قامتىلعان ورتاق مودەل اياسىندا جۇمىسىن جالعاستىرادى. كوماندالىق التىن مەن جەكەلەي جارىستارداعى رەكوردتىق ون مەدال — جاڭا جٷيەنٸڭ تيٸمدٸ جۇمىس ٸستەپ جاتقانىنىڭ ناقتى دەلەلٸ. ەندٸگٸ مٸندەتٸمٸز — وسى تەجٸريبەنٸ باسقا سپورت تٷرلەرٸنە كەزەڭ-كەزەڭٸمەن ەنگٸزۋ», — دەپ اتاپ ٶتتٸ قازاقستان رەسپۋبليكاسىنىڭ تۋريزم جەنە سپورت مينيسترٸ ەربول مىرزابوسىنوۆ.
بٸرىڭعاي مودەل جاتتىعۋ ٷدەرٸسٸن عىلىمي تۇرعىدان تالداۋدى, فۋنكتسيونالدىق دياگنوستيكانى, جٷكتەمەلەردٸ جەكە جوسپارلاۋدى, سپورتتىق مەديتسينانى, قالپىنا كەلتٸرۋدٸ جەنە ەر سپورتشىنىڭ دامۋ ديناميكاسىن تۇراقتى باقىلاۋدى قامتيدى. بۇل جۇمىستا قۇراما كوماندالاردى عىلىمي جەنە تالدامالىق سٷيەمەلدەۋمەن قامتاماسىز ەتەتٸن ۇلتتىق سپورت ۋنيۆەرسيتەتٸ ماڭىزدى رٶل اتقارۋى تيٸس.
وسىنداي تەسٸلدەر جەتەكشٸ وتاندىق جەنە شەتەلدٸك مامانداردى تارتا وتىرىپ, سەمسەرلەسۋ, بوكس, كٷرەس جەنە باسقا دا سپورت تٷرلەرٸنە جٷيەلٸ تٷردە ەنگٸزٸلۋدە. دزيۋدودان قازاقستان قۇراماسىنىڭ نەتيجەسٸ سپورت رەزەرۆٸ مەن ۇلتتىق كوماندالاردى دايارلاۋدىڭ جاڭا جٷيەسٸنٸڭ تيٸمدٸلٸگٸن ايقىن كٶرسەتتٸ.
