Atmosferalyq frontaldy bólikterdiń ótýine bailanysty 10 maýsym kúni elimizdiń basym bóliginde qubylmaly kún raiy saqtalady. Jańbyr jaýady, shyǵysta nóserli jańbyr kútiledi. Tek batysta jáne ońtústik-batysta jaýyn-shashynsyz aýa raiy boljanady. Respýblikanyń kei jerlerinde naizaǵai, ekpindi jel, daýyl jáne burshaq boljanady, dep habarlaidy "Ult aqparat".
«Qazgidromet» RMK málimetinshe, Shyǵys Qazaqstan oblysynyń jekelegen aýmaǵynda naizaǵai, daýyl kútiledi. Kúndiz burshaq jaýýy múmkin, jeldiń kúshi 15-20, ekpini 25 m/s kúsheiedi.
Kyzylorda oblysynda kúndiz kei jerlerinde naizaǵai oinap, jeldiń kúshi 15-20, ekpini 23 m/s artady.
Jambyl, Túrkistan oblystarynyń jekelegen jerlerinde naizaǵai, daýyl boljanady. Burshaq jaýýy múmkin, jeldiń jyldamdyǵy 15-20 m/s jetedi.
Almaty, Qostanai oblystarynyń kei jerlerinde naizaǵai kútiledi, kúndiz jeldiń ekpini 15-20 m/s artady. Qostanai oblysynyń jekelegen aýmaqtaryn tuman basady.
Qaraǵandy oblysynyń kei jerlerinde naizaǵai, tuman kútiledi, burshaq jaýýy múmkin, jeldiń kúshi - 15-20 m/s.
Pavlodar oblysynyń kei jerlerinde tuman, kúndiz naizaǵai kútiledi, burshaq jaýýy múmkin, jeldiń kúshi - 15-20 m/s.
Soltústik Qazaqstan oblysynyń kei jerlerinde naizaǵai oinap, kúndiz daýyl turýy yqtimal. Jeldiń kúshi 15-20 m/s jetedi.
Aqmola oblysynyń kei jerlerinde naizaǵai, tuman boljanady.
Aqtóbe, Batys Qazaqstan, Atyraý, Qostanai, Qaraǵandy, Qyzylorda, Túrkistan oblystarynyń kei jerlerinde joǵary órt qaýpi saqtalady.
