EO keńesi men Eýroparlament Eýroodaqta biryńǵai vaktsinatsiia sertifikattaryn engizý týraly kelisti. «Jasyl pasport» degen atpen belgili mundai qujat tsifrlyq bolady. Onda ár azamatqa qatysty kovidpen bailanysty aýrýy, PTR testileriniń nátijeleri, vaktsinatsiia sekildi barlyq málimet kórsetiledi. «Jasyl pasport» 1 shildeden bastap qoldanysqa enedi, dep habarlaidy Euronews.
Ekpe alǵan mundai sertifikattyń iesin meditsinalyq sebepterge bailanysty EO eline kirgizbeýge negiz joq.
«Aita ketý kerek, vaktsinanyń eki dozasyn alǵannan keiin azamat tolyq egildi dep sanalady. Sertifikat qandai doza, qashan egilgeni týraly barlyq málimetti kórsetedi. Bul sertifikat elge sizdi kirgizýge sebep bolýy múmkin. Biraq sizge ruqsat berilý úshin siz tolyqtai egilýińiz qajet», - dedi Ádilet máseleleri jónindegi eýrokomissar Dide Reinders.
Tek EO nemese DDU deńgeiinde maquldanǵan vaktsinalar qarastyrylady. Ázirge bul tizimge Resei nemese qytai preparaty kirmegen. Alaida, Majarstanda olar belsendi túrde qoldanylady. Biraq EO-nyń ár eline óz kriteriilerine sáikes jalpy eýropalyq sertifikaty joq adamdarǵa kirýge ruqsat etý quqyǵy jeke beriledi.
