1 sáýirde Qazaqstannyń barlyq mektepteri qashyqtan oqytý boiynsha synama sabaq ótkizedi, dep habarlaidy "Ult aqparat".
Bul týraly QR Bilim jáne ǵylym ministri Ashat Aimaǵambetov Ortalyq kommýnikatsiialar qyzmetindegi brifingte málimdedi.
«1 sáýirde elimizdiń barlyq mektepterinde synama júrgizip, muǵalimder balalardyń júiege qalai qosylǵanyn tekseredi. Beisenbi kúni - 2 sáýirde ata-ana jinalysyn ótkizip, júiege qosylýdy, balalar jumysyn durys uiymdastyrýdy úiretemiz», - dedi ministr.
3 sáýir - juma kúni oqýshylarmen synyp saǵattary júrgiziledi. Onda da balalarǵa tiisti aqparat berilip, qashyqtan oqý formaty týraly barlyq suraqtarǵa jaýap beriledi.
«Osylaisha, 6 sáýirde mektep te, ata-ana da, qurylǵylar da qashyqtan bilim berýge daiyn bolýy kerek», - dedi A. Aimaǵambetov.
Buǵan deiin ministr qazaqstandyq mektep oqýshylarynyń teledidar, radio, internet jáne poshta arqyly bilim alatynyn málimdegen edi.
Barlyq suraqtar boiynsha Bilim jáne ǵylym ministrliginiń 1450 koll-ortalyǵyna habarlasýǵa bolady.
