Almatyda jalǵan aqsha jasaýshy 1 mln-ǵa jýyq jalǵan dollardy ótkizbekshi bolǵany úshin 6 jylǵa sottaldy, dep habarlaidy QazAqparat.
Jalǵan aqsha jasaýǵa qarsy is-qimyl - QR Qarjylyq monitoring agenttiginiń basym baǵyttarynyń biri.
Osylaisha, agenttiktiń Almaty qalasy boiynsha aýmaqtyq departamenti ótken jyldyń qyrkúiek aiynda jalǵan 100 dollarlyq kýpiýralardy ótkizý deregin anyqtady.
Qyzmetkerler jedel baqylaýdaǵy satyp alýdy júrgizip, onyń barysynda qala turǵyny T.Qaliev 293 myń AQSh dollaryna jalǵan kýpiýralardy ótkizý áreketi kezinde ustaldy.
Tergeý málimetteri boiynsha, T.Qaliev 2020 jyldyń qyrkúieginen qarashasyna deiin nominaly 100 AQSh dollary bolatyn jalǵan shetel valiýtasyn birneshe ret ótkizgen.
Tintý nátijesinde zańsyz ainalymnan 975 myńnan astam jalǵan dollar tárkilendi.
T.Qalievke 6 jylǵa bas bostandyǵynan aiyrý jazasy taǵaiyndaldy.
Qurmetti azamattar! Eger siz jalǵan banknotty tapsańyz, dereý Agenttikke + 7 (7172) 708 478 senim telefony boiynsha nemese áleýmettik jelilerdegi resmi akkaýnttar arqyly habarlasyńyz.
