Jazǵy demalystyń birinshi maýsymynda 1 millionnan astam qazaqstandyq oqýshy saýyqtyrý lagerlerinde demalyp jatyr. Balalarǵa arnalǵan qala syrtyndaǵy, mektep janyndaǵy kiiz úi jáne shatyr lagerleri jumys isteidi, dep habarlaidy ministrliktiń baspasóz qyzmeti.
Balalardy saýyqtyrý mekemelerinde eń aldymen jan basyna shaqqandaǵy ortasha tabysy eń tómengi kúnkóris deńgeiinen tómen, iaǵni memlekettik ataýly áleýmettik kómek alatyn otbasylardyń balalary tegin demalady. Sondai-aq jetim balalarǵa, ata-anasynyń qamqorlyǵynsyz qalǵan balalarǵa jáne tótenshe jaǵdailar saldarynan shuǵyl kómekke muqtaj otbasylardan shyqqan balalarǵa tegin joldamalar beriledi. Balalardyń qala syrtyndaǵy lagerlerde demalýyn jáne saýyqtyrylýyn qarjylandyrý jergilikti biýdjet esebinen qamtamasyz etiledi.
«Ár balalar lageriniń óz baǵdarlamasy bar, biraq barlyǵynyń taqyryby birdei bolady. Balalardyń jazǵy demalysyn uiymdastyrýdyń biryńǵai tásilderin ázirleý maqsatynda Balalardyń quqyqtaryn qorǵaý komiteti jazǵy demalysta balalardyń demalysyn, bos ýaqytyn jáne jumyspen qamtylýyn uiymdastyrý tujyrymdamasyn ázirlep, óńirlerge jiberdi. Tujyrymdamada ár túrli aptalyq taqyryptar men baǵyttar bar. Balalar úshin saýyqtyrý, bilim berý, ekologiialyq, shyǵarmashylyq, sporttyq, kóshbasshylyq baǵytyndaǵy baǵdarlamalar ázirlendi», - dedi QR Oqý-aǵartý ministrligi Balalardyń quqyqtaryn qorǵaý komitetiniń tóraǵasy Esenǵazy Imanǵaliev.
Balalar men ata-analardy qajetti aqparatpen qamtamasyz etý maqsatynda biyl bala-demalys.kz balalar saýyqtyrý lagerleriniń interaktivti kartasy, sait jáne mobildi qosymsha iske qosyldy.
