1 qazanǵa deiin bilim berý nysandary, 15 qazanǵa deiin – ózge nysandar jylytý maýsymyna 100% daiyn bolýy tiis, dep habarlaidy QazAqparat.
Bul týraly QR Indýstriia jáne infraqurylymdyq damý vitse-ministri Qaiyrbek Óskenbaev baiandady.
Onyń aitýynsha, qysqa daiyndyq jumystary biyl shilde aiynda bastalǵan.
«Jylytý maýsymyna daiyndyq maqsatynda ministrlik arnaiy jumys josparyn bekitti. Jospar boiynsha, shilde aiynda qysqa daiyndyq jumystary bastaldy. Injenerlik jáne áleýmettik infraqurylymdy daiyndaý aiasynda 10 212 derbes qazandyq (96%), 4,8 myń shaqyrym jylýmen jabdyqtaý jelileri (96%), 14,5 myń sýmen jabdyqtaý jelileri (96%) jóndeýden ótti», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Ministrlik josparyna sáikes, 1 qazanǵa deiin bilim berý obektileri - 100%, 15 qazanǵa deiin – qalǵan nysandar jylytý maýsymyna daiyn bolýy tiis.
«Ázirge bilim nysandarynyń 99,6% jylytýǵa daiyn. Batys Qazaqstan oblysynda 21 obektide oqý protsesine áser etpeitin kúrdeli jóndeý jumysy júrip jatyr. Densaýlyq saqtaý nysandarynyń daiyndyǵy – 98,6%, turǵyn úiler daiyndyǵy – 94,9%», - dedi Q. Óskenbaev.
