«e-Salyq Business» mobildi qosymshasy kásipkerlerge salyq mindettemesin oryndaýdy jeńildetedi, dep habarlaidy QazAqparat.
«Memlekettik kirister komiteti 2022 jyldyń 1 qańtarynan bastap arnaýly mobildi qosymshany paidalana otyryp jáne ońailatylǵan deklaratsiia negizinde arnaýly salyq rejimin qoldanatyn jeke kásipkerler úshin «e-Salyq Business» mobildi qosymshasyn iske qosady», - delingen QR Qarjy ministrligi Memlekettik kirister komiteti málimetinde.
Mobildi qosymshanyń fýnktsionaly jeke kásipker retinde tirkelýge, salyq rejimin tańdaýǵa jáne ózgertýge, túbirtekter berýge, kirister tizilimin avtomatty túrde qalyptastyrýǵa, qosymshada eseptelgen salyq mindettemelerin tóleýge, onyń ishinde qyzmetkerler úshin, sondai-aq aldyn ala toltyrylǵan ońailatylǵan salyq deklaratsiiasyn usynýǵa múmkindik beredi. Munymen qosa, arnaýly mobildi qosymshany paidalana otyryp, arnaýly salyq rejimin qoldaný kezinde salyq eseptiligin tapsyrmaýdy eskeredi.
«Budan basqa, qosymshada bereshekti qaraý jáne tóleý, memlekettik kirister organdarynan habarlamalar alý, sondai-aq ońailatylǵan tártipte jeke kásipkerdiń qyzmetin toqtatý boiynsha qyzmetter qoljetimdi. Qosymsha «Play Market» jáne «App Gallery»-de qoljetimdi», - dep atalyp ótken komitet aqparatynda.
