Jer sharyndaǵy halyq 1 qańtarda 7 444 443 881 adamǵa jetpek. Beisenbi kúni AQSh sanaq biýrosynyń mamandary osyndai málimdeme jasady, dep habarlaidy TASS.
Olardyń aitýynsha, 1 qańtarǵa qarai Jer sharyndaǵy adam sanynyń ósimi ótken jylmen salystyrǵanda 78,5 mln adamǵa kóbeiip, ósim 1,07 paiyzdy quramaq.
Sonymen birge olar 2018 jyly sekýndyna 4,3 ómirge kelip, 1,8 adam o dúnielik bolǵany jaily aitty.
Buǵan deiin atalmysh biýro 2050 jylǵa qarai jer betindegi halyqtyń sany 9 mlrd adamǵa jetetini týraly boljam jasaǵan.
XI ǵasyrdyń basynda jer sharynda 310 mln adam ómir súrse, 1900 jyly bul kórsetkish 1,6 mlrd adamǵa jetken. 6 milliardyq meje 1999 jyly baǵyndyrylǵan bolatyn. 2011 jyly jer betindegi adamdar sany 7 milliardqa jetti.
