جۇمىس ٸزدەپ جٷرگەن ازامات الاياقتاردىڭ ارباۋىنا تٷسٸپ, كٷشتەپ ەڭبەككە جەگٸلگەنٸن مەلٸمدەدٸ. جەبٸرلەنۋشٸنٸڭ ايتۋىنشا, قىلمىستىق توپ ٶكٸلدەرٸ الدىمەن ونىڭ سەنٸمٸنە كٸرٸپ, كەيٸن الداپ باسقا قالاعا الىپ كەتكەن. بارعان جەرٸندە ونى ۇرىپ-سوعىپ, اياعىنا اۋىر زات بايلاپ, جۇمىس ٸستەۋگە مەجبٷرلەگەن, دەپ حابارلايدى ult.kz kznews.kz سايتىنا سٸلتەمە جاساپ.
الدىمەن سەنٸمٸنە كٸرگەن
جەبٸرلەنۋشٸنٸڭ سٶزٸنشە, بارلىعى جاقسى كيٸنگەن بەيتانىس ادامدارمەن تانىسۋدان باستالعان. ولار ەر اداممەن جەنە ونىڭ جانىنداعى ادامدارمەن بٸرگە ٸشٸمدٸك ٸشٸپ, دوستىق قارىم-قاتىناس ورناتۋعا تىرىسقان.
كەيٸن ولاردى جالدامالى پەتەرگە شاقىرىپ, داستارقان جايعان. وسىلايشا كٷدٸكتٸلەر بٸر-ەكٸ كٷن بويى جەبٸرلەنۋشٸنٸڭ سەنٸمٸنە كٸرٸپ, ونىڭ جاعدايىن زەرتتەگەن بولۋى مٷمكٸن.
ودان كەيٸن ەر ادامعا قاراعاندى قالاسىندا جۇمىس ٸستەۋ ۇسىنىلعان. وعان ادامداردى باقىلاپ وتىراتىن «ەكٸمشٸ» قىزمەتٸ بەرٸلەتٸنٸ ايتىلعان.
كٷدٸكتٸلەر جەبٸرلەنۋشٸنٸڭ جۇمىسسىز جٷرگەنٸن جەنە ونى سول جەردە ۇستاپ تۇرعان ەلەۋمەتتٸك مٸندەتتەرٸ جوق ەكەنٸن پايدالانعان.
جولدا ەسٸنەن تانىپ قالعان
جەبٸرلەنۋشٸ جۇمىسقا بارامىن دەپ كٶلٸككە وتىرعان. الايدا جول ٷستٸندە ەسٸنەن تانىپ قالعانىن ايتادى. ونىڭ ناقتى نەدەن ەسٸنەن تانعانى بەلگٸسٸز. بۇل الكوگولدٸڭ ەسەرٸنەن نەمەسە بەلگٸسٸز دەرٸلٸك زاتتىڭ قولدانىلۋىنان بولۋى مٷمكٸن.
ونىڭ ەسٸندە قالعان جالعىز بەلگٸ – «ساران 1 كم» دەگەن جول كٶرسەتكٸشٸ.
مەجەلٸ جەرگە جەتكەننەن كەيٸن كٷدٸكتٸلەردٸڭ مٸنەز-قۇلقى كٷرت ٶزگەرگەن. بۇعان دەيٸن ٶزٸن دوس رەتٸندە كٶرسەتكەن ادامدار كٶلٸكتەن تٷسٸرگەن بويدا ونى ۇرىپ-سوققان.
اياعىنا گير بايلاپ, جۇمىس ٸستەۋگە مەجبٷرلەگەن
جەبٸرلەنۋشٸنٸڭ ايتۋىنشا, ونىڭ قاشىپ كەتۋٸنە جول بەرمەۋ ٷشٸن اياعىنا گير بايلانعان. سونداي-اق شىنجىر قولدانىلعانى تۋرالى ايتىلادى.
ەر ادامدى تۇراقتى تٷردە ۇرىپ, كٷش قولدانۋ ارقىلى جۇمىس ٸستەۋگە مەجبٷرلەگەن.
«الدىمەن ۇردى, سودان كەيٸن اياعىما گير بايلاپ, جۇمىس ٸستەۋگە مەجبٷرلەدٸ», – دەيدٸ جەبٸرلەنۋشٸ.
ول ٶزٸنٸڭ سول كەزدەگٸ جاعدايىن «شىنجىرداعى مالعا» تەڭەگەن.
«دٶرەكٸ ايتقاندا, سەن ەندٸ ادام ەمەسسٸڭ. شىنجىردا وتىرعان مال سەكٸلدٸسٸڭ», – دەگەن ول.
ماتەريالداعى مەلٸمەتكە سەيكەس, قىلمىسكەرلەردٸڭ نەگٸزگٸ ماقساتى جەبٸرلەنۋشٸنٸ سىرتقى ورتامەن بايلانىسسىز ۇستاپ, اقىسىز ەڭبەككە پايدالانۋ بولعان.
«تٸرٸ شىعامىن دەپ ويلامادىم»
ۇزاق ۋاقىت بويى كٷش كٶرسەتۋ مەن ەركٸندٸكتەن ايىرۋ جەبٸرلەنۋشٸنٸڭ پسيحولوگييالىق جاعدايىنا دا اۋىر ەسەر ەتكەن.
ونىڭ ايتۋىنشا, تۇتقىندا وتىرعان كەزٸندە بولاشاقتان ٷمٸتٸن تولىق ٷزگەن.
«ەگەر كەيٸن جەرلەسە, سونىڭ ٶزٸ جاقسى بولار ەدٸ دەپ ويلادىم», – دەيدٸ جەبٸرلەنۋشٸ.
ول بۇل جاعدايدى ٶمٸرٸندەگٸ ەڭ قورقىنىشتى وقيعا دەپ باعالاعان.
جەبٸرلەنۋشٸ تۇتقىننان كەزدەيسوق سەتتٸ پايدالانىپ قاشىپ شىققانىن ايتادى. ول ٶزٸنٸڭ امان قالۋىن «اللانىڭ قالاۋىمەن بولعان جاعداي» دەپ سيپاتتاعان.
