قازاقستان قۇراماسىنىڭ باس باپكەرٸ الەكسەي ني بولاشاقتا وليمپيادا چەمپيونى زٷلفييا چينشانلونىڭ قايتىپ ورالاتىنى جٶنٸندە حابارلادى, - دەپ جازادى Vesti.kz.
ماۋسىم ايىنىڭ ورتاسىندا حالىقارالىق اۋىر اتلەتيكا فەدەراتسيياسى (IWF) چينشانلونى جەنە تاعى ٷش قازاقستاندىقتى جارىستاردان شەتتەتكەن بولاتىن. وليمپيادا-2012 ويىندارىنداعى دوپينگ سىناماسىن قايتا تەكسەرگەننەن كەيٸن وسىنداي شەشٸم شىعارىلعان. ولاردى جازالاۋ شارالارى ەلٸ كٷنگە دەيٸن شىققان جوق.
نيدٸڭ ايتۋىنشا, چينشانلو مانسابىن اياقتاۋ جايلى ويلانىپ جٷرگەن جوق, ول 2020 جىلى ٶتەتٸن وليمپيادا ويىندارىنا دايىندالىپ جاتىر.
"ماعان زٷلفييا حات جازدى. "سٸز مەنٸڭ سالماعىمدا ٶنەر كٶرسەتكەندەردٸ كٶردٸڭٸز بە? توكيودا مەن بارلىعىن جەڭەمٸن". حاتىنىڭ سوڭىنا تاپانشا سمايلىن جٸبەرٸپتٸ. قازٸر تۋرنير اياقتالسىن, ٷيگە قايتىپ, جۇمىستى باستايمىز. قىزدار اراسىندا زٷلفييا ٶنەر كٶرسەتەتٸن سالماق دەرەجەسٸندەگٸ سپورتشىلار ٶتە ەلسٸز", - دەدٸ ني.
ەسكە سالايىق, 48 كەلٸ سالماققا دەيٸن ريودا قازاقستان نامىسىن زٷلفييا چينشانلونىڭ ورنىنا مارگاريتا ەليسەەۆا شىعىپ, بەسٸنشٸ ورىن العان ەدٸ. باس باپكەردٸڭ ايتۋىنشا, وعان وليمپيادا ويىندارىندا بٸرٸنشٸ رەت ٶنەر كٶرسەتكەن ماريناعا تەجٸريبە ازدىق ەتكەن.
