Qazaqstan quramasynyń bas bapkeri Aleksei Ni bolashaqta Olimpiada chempiony Zúlfiia Chinshanlonyń qaityp oralatyny jóninde habarlady, - dep jazady Vesti.kz.
Maýsym aiynyń ortasynda Halyqaralyq aýyr atletika federatsiiasy (IWF) Chinshanlony jáne taǵy úsh qazaqstandyqty jarystardan shettetken bolatyn. Olimpiada-2012 oiyndaryndaǵy doping synamasyn qaita teksergennen keiin osyndai sheshim shyǵarylǵan. Olardy jazalaý sharalary áli kúnge deiin shyqqan joq.
Nidiń aitýynsha, Chinshanlo mansabyn aiaqtaý jaily oilanyp júrgen joq, ol 2020 jyly ótetin Olimpiada oiyndaryna daiyndalyp jatyr.
"Maǵan Zúlfiia hat jazdy. "Siz meniń salmaǵymda óner kórsetkenderdi kórdińiz be? Tokioda men barlyǵyn jeńemin". Hatynyń sońyna tapansha smailyn jiberipti. Qazir týrnir aiaqtalsyn, úige qaityp, jumysty bastaimyz. Qyzdar arasynda Zúlfiia óner kórsetetin salmaq dárejesindegi sportshylar óte álsiz", - dedi Ni.
Eske salaiyq, 48 keli salmaqqa deiin Rioda Qazaqstan namysyn Zúlfiia Chinshanlonyń ornyna Margarita Eliseeva shyǵyp, besinshi oryn alǵan edi. Bas bapkerdiń aitýynsha, oǵan Olimpiada oiyndarynda birinshi ret óner kórsetken Marinaǵa tájiribe azdyq etken.
