2026 جىلدىڭ 3-11 ماۋسىم ارالىعىندا اقتٶبە قالاسىندا «ۆلاديمير دۆوركوۆيچ مەموريالى – Aktobe Open 2026» حالىقارالىق شاحمات فەستيۆالٸ ٶتەدٸ. شارا اياسىندا Masters جەنە Open اتتى ەكٸ تۋرنير ۇيىمداستىرىلادى. جارىسقا ەلەمنٸڭ 21 ەلٸنەن شاحماتشىلار, سونىڭ ٸشٸندە 23 گروسسمەيستەر قاتىسادى. ۇيىمداستىرۋشىلار: حالىقارالىق شاحمات فەدەراتسيياسى (FIDE), قر تۋريزم جەنە سپورت مينيسترلٸگٸ, قازاقستان شاحمات فەدەراتسيياسى جەنە اقتٶبە وبلىسىنىڭ ەكٸمدٸگٸ. سەرٸكتەستەر: Freedom Holding Corp جەنە اقتٶبە مىس كومپانيياسى, دەپ حابارلايدى ult.kz.
جارىسقا قاتىسۋشىلار تٸزٸمٸن رەيتينگٸ 2600-دەن جوعارى التى گروسسمەيستەر باستاپ تۇر. تۋرنيردٸڭ باس فاۆوريتٸ – ەلەمدٸك شاحمات تەجٸنەن ٷمٸتكەرلەر جارىسىنا قاتىسقان قىتايلىق گروسسمەيستەر ۆان حاو (2684). سونداي-اق مىقتىلاردىڭ قاتارىندا 2023 جىلدىڭ ەۋروپا چەمپيونى جەنە Aktobe Open 2025 جەڭٸمپازى الەكسەي سارانا (2664, سەربييا), 2018 جىلدىڭ ەۋروپا چەمپيونى يۆان شاريچ (2657, حورۆاتييا) جەنە راپيدتەن 2018 جىلدىڭ ەلەم چەمپيونى دانييل دۋبوۆ (2654) بار. ٷزدٸكتەردٸڭ قاتارىندا Aktobe Open 2024 كٷمٸس جٷلدەگەرٸ الەكساندر پرەدكە (2616, سەربييا) مەن انتون دەمچەنكو (2611, سلوۆەنييا) بار.
ولاردىڭ تٶرتەۋٸ رەيتينگٸ 2700-دەن جوعارى «سۋپەرگروسسمەيستەر» ساناتىنا جاتادى: ۆان حاو (2763), دۋبوۆ (2720), سارانا (2717) جەنە شاريچ (2703). بۇل قاتاردا مانسابىنىڭ شىڭىندا 2710 رەيتينگٸنە جەتكەن الەكساندر موتىلەۆ (2550, رۋمىنييا) تە بار.
جارىستا ەل نامىسىن قورعايتىن قازاقستاندىقتار قاتارىندا گروسسمەيستەرلەر دەنيس ماحنيوۆ (2558), قازىبەك نٶگەربەك (2525), ەدگار مامەدوۆ (2470), رامازان جالماحانوۆ (2464), سونداي-اق حالىقارالىق شەبەرلەر الدييار اڭسات (2488), ارىستانبەك ورازاەۆ (2488), دانييال سەپەنوۆ (2458) جەنە ارتەم بوگدانوۆ (2453) بار.
ەيەلدەر اراسىنداعى بەسەكەدە حالىقارالىق شەبەر پولينا شۋۆالوۆا (2502, فيدە) مەن گروسسمەيستەر حاريكا دروناۆاللي (2470, ٷندٸستان) ەڭ مىقتى قاتىسۋشىلار قاتارىندا بولسا, قازاقستان اتىنان حالىقارالىق شەبەر الۋا نۇرمان (2443), WGM لييا قۇرمانعاليەۆا (2346), WIM ەسەل سەرٸكباي (2240), WIM اياۋلىم قالداروۆا (2105) جەنە جانبوتا كاماروۆا (2083) ٶنەر كٶرسەتەدٸ.
ەكٸ تۋرنير دە مەڭگٸلٸك ەل كٶشەسٸ, 2 مەكەنجايىندا ورنالاسقان «اسە» تەننيس ورتالىعىندا ٶتەدٸ. جارىس شۆەيتسارييالىق جٷيە بويىنشا 9 تۋردان تۇرادى. ۋاقىت باقىلاۋى: ەر پارتيياعا 90 مينۋت جەنە بٸرٸنشٸ جٷرٸستەن باستاپ ەر جٷرٸس ٷشٸن 30 سەكۋند قوسىلادى. Masters تۋرنيرٸ رەيتينگٸ 2400-دەن جوعارى شاحماتشىلارعا ارنالعان جەنە ول FIDE Circuit 2026-2027 حالىقارالىق جارىستار جەلٸسٸنە كٸرەدٸ. Open تۋرنيرٸنە رەيتينگٸ 2400-گە دەيٸنگٸ ويىنشىلار قاتىسا الادى.
Masters تۋرنيرٸنٸڭ كەپٸلدەندٸرٸلگەن جٷلدە قورى 100 000 اقش دوللارىن قۇرايدى, ونىڭ ٸشٸندە جەڭٸمپازعا 18 000 دوللار, ەكٸنشٸ ورىنعا – 14 000 دوللار, ال ٷشٸنشٸ ورىنعا – 10 000 دوللار تابىستالادى. اقشالاي سىيلىقتار 15 ورىنعا دەيٸنگٸ قاتىسۋشىلاردى قوسا العاندا ٷلەستٸرٸلەدٸ. بۇدان بٶلەك, ٷزدٸك ٷش ەيەل قاتىسۋشى مەن ٷزدٸك ٷش قازاقستاندىق ويىنشىعا جەكە ماراپاتتار قاراستىرىلعان, سونداي-اق ەلو 2500-2599, ەلو 2400-2499 جەنە ەلو 2300-2399 رەيتينگتٸك ساناتتارىندا ٷزدٸك ەكٸ ويىنشى ماراپاتتالادى.
Open تۋرنيرٸنٸڭ جٷلدە قورى 10 000 دوللاردى قۇرايدى, ونىڭ ٸشٸندە جارىس جەڭٸمپازىنا 2 700 دوللار, ال ونىنشى ورىن ٷشٸن 300 دوللار تابىستالادى. Masters تۋرنيرٸنٸڭ ەرەجەلەرٸنە سەيكەس, اتالعان ساناتتا دا ٷزدٸك ەيەل قاتىسۋشى مەن ٷزدٸك ارداگەرگە ارنالعان ارنايى سىيلىقتار قاراستىرىلعان.
فەستيۆال – كلاسسيكالىق شاحماتتان 2026 جىلعى قازاقستان كۋبوگىنىڭ ٷش كەزەڭٸنٸڭ العاشقىسى. ەر كەزەڭنٸڭ ٷزدٸك 20 قاتىسۋشىسى كۋبوك ەسەبٸنە ۇپاي جينايدى. ەكٸنشٸ كەزەڭ 20-30 شٸلدەدە, ٷشٸنشٸ كەزەڭ 11-21 قازاندا ٶتەدٸ. Kazakhstan Chess Cup 2026 Final فينالىندا (1-13 جەلتوقسان) اينالىم جٷيەسٸ بويىنشا 12 شاحماتشى كەزدەسٸپ, ونىڭ التاۋى كەزەڭدەر قورىتىندىسى بويىنشا ەڭ كٶپ ۇپاي جيناعاندار, قالعان التاۋى قازاقستان شاحمات فەدەراتسيياسى پرەزيديۋمىنىڭ شەشٸمٸمەن تاڭدالادى.
6-8 ماۋسىم ارالىعىندا فەستيۆال اياسىندا ۇلتتىق تٶرەشٸ نورماسىن الۋعا ارنالعان سەمينار ٶتەدٸ.
«ۆلاديمير دۆوركوۆيچ مەموريالى – Aktobe Open» فەستيۆالٸ اقتٶبەدە 2019 جىلدىڭ قىركٷيەگٸنەن باستاپ ٶتكٸزٸلٸپ كەلەدٸ. ول حالىقارالىق تٶرەشٸ ۆلاديمير ياكوۆلەۆيچ دۆوركوۆيچتٸڭ (30.12.1937-29.06.2005) رۋحىنا ارنالعان. ول 1960 جىلى تاگانروگ پەداگوگيكالىق ينستيتۋتىنىڭ فيزيكا-ماتەماتيكا فاكۋلتەتٸن بٸتٸرٸپ, جولدامامەن اقتٶبەگە كەلگەن. كەيٸننەن ۆ. دۆوركوۆيچ كسرو شاحمات فەدەراتسيياسىنىڭ جاۋاپتى حاتشىسى (1982-1984) جەنە رەسەي شاحمات فەدەراتسيياسى تٶرەشٸلەر القاسىنىڭ تٶراعاسى (1992-1995, 2003-2005) بولدى. ونىڭ ٷلكەن ۇلى اركاديي دۆوركوۆيچ 2018 جىلدىڭ قازانىنان باستاپ فيدە پرەزيدەنتٸ قىزمەتٸن اتقارۋدا.
اقتٶبە – اقتٶبە وبلىسىنىڭ ەكٸمشٸلٸك ورتالىعى, 2026 جىلدىڭ 1 ناۋرىزداعى مەلٸمەتٸ بويىنشا حالىق سانى 600 149 ادامدى قۇرايتىن قازاقستانداعى تٶرتٸنشٸ ٸرٸ قالا.
