تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ بيىل قازاقستانداعى 6 341 اۋىلدىڭ 5 163-ٸ ينتەرنەتپەن قامتىلاتىنىن جارييا ەتتٸ, دەپ حابارلايدى "ۇلت اقپارات".
«بٷگٸنگٸ تاڭدا, ەلٸمٸزدە 118 قالانىڭ تۇرعىندارى (بۇل شامامەن 11 ميلليون ادام) جەنە 4 235 اۋىلدىق ەلدٸمەكەن (بۇل تاعى 7 ملن ادام) ۇتقىر كەڭجولاقتى (ۇكجق) ينتەرنەتتٸ پايدالانا الادى. وسىلايشا, حالىقتىڭ 96 پايىزى ۇكجق-مەن قامتاماسىز ەتٸلگەن. 2020 جىلدىڭ سوڭىنا قاراي تۇرعىن سانى 250 جەنە ودان اساتىن حالقى بار اۋىلدى ەلدٸمەكەندە 3G/4G ۇيالى بايلانىس جەلٸلەرٸن سالۋ جوباسىنىڭ شەڭبەرٸندە 928 اۋىلداعى 600 مىڭنان استام تۇرعىندى (بارلىق حالىقتىڭ 3,3 پايىزى) ۇكجق ينتەرنەتپەن قامتاماسىز ەتۋ جوسپارلانۋدا», - دەپ جاۋاپ بەردٸ مينيسترلٸك رەسمي ساۋالعا.
اتالعان جوبانى ٸسكە اسىرۋدىڭ ارقاسىندا 6 341 اۋىلدىڭ 5 163-ٸ ينتەرنەتپەن قامتىلادى. جالپى 2020 جىلدىڭ سوڭىنا قاراي 3G جەنە 4G ۇيالى بايلانىس جەلٸلەرٸن سالۋ ارقىلى ينتەرنەتپەن قامتىلعان حالىقتىڭ ٷلەسٸ 99,3 پايىزدى قۇراماق.
مينيسترلٸكتٸڭ جاۋابىنا سٷيەنسەك, قازٸرگٸ كەزدە تەلەكوممۋنيكاتسييا سالاسىن دامىتۋدىڭ نەگٸزگٸ مٸندەتتەرٸنٸڭ بٸرٸ – قازاقستان اۋىلدارىنىڭ حالقىن كەڭجولاقتى ينتەرنەتپەن قامتاماسىز ەتۋ بولىپ وتىر.
«حالىقارالىق ەلەكتر بايلانىسى وداعىنىڭ ەدٸستەمەسٸنە سەيكەس, «كەڭجولاقتى ينتەرنەت» ۇعىمى ينتەرنەتتٸ 256 كبيت/س نەمەسە ودان جوعارى جىلدامدىقپەن پايدالانۋ دەگەندٸ بٸلدٸرەدٸ. قازاقستاندا كەڭجولاقتى ينتەرنەت سىمدى (ADSL – 10 مبيت/س, FTTن – 100 مبيت/س) جەنە سىمسىز (3G – 7,2 مبيت/س, 4G – 100 مب/س) تەحنولوگييالارى ارقىلى ۇسىنىلادى. قازٸرگٸ ۋاقىتتا حالىق سانى 50 جەنە ودان استام اۋىلدىق ەلدٸ مەكەندەر جىلدامدىعى 512 كبيت/س بولاتىن CDMA تەحنولوگيياسى ارقىلى ينتەرنەتكە قول جەتكٸزە الادى. الايدا بۇل جىلدامدىق دەڭگەيٸ اۋىل حالقىنىڭ قاجەتتٸلٸكتەرٸن قاناعاتتىندىرمايدى. وسىعان بايلانىستى, مينيسترلٸك اۋىل حالقىنىڭ تسيفرلىق تەڭسٸزدٸگٸنٸڭ الدىن الۋ ماقساتىندا بٸرقاتار جوبانى ٸسكە اسىرۋدا», - دەپ حابارلايدى مينيسترلٸكتەن.
ەسكە سالا كەتسەك, جاقىندا قازاقپارات اگەنتتٸگٸنٸڭ رەسمي ساۋالىنا جاۋاپ بەرگەن تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ بيىل ينتەرنەت تارتىلاتىن 928 اۋىلدىڭ تٸزٸمٸن جارييالاعان بولاتىن. بيىل ينتەرنەت تارتىلاتىن 928 اۋىلدىڭ تٸزٸمٸن مىنا سٸلتەمە ارقىلى كٶرۋگە بولادى.
