Tsifrlyq damý, innovatsiialar jáne aeroǵarysh ónerkásibi ministrligi biyl Qazaqstandaǵy 6 341 aýyldyń 5 163-i internetpen qamtylatynyn jariia etti, dep habarlaidy "Ult aqparat".
«Búgingi tańda, elimizde 118 qalanyń turǵyndary (bul shamamen 11 million adam) jáne 4 235 aýyldyq eldimeken (bul taǵy 7 mln adam) utqyr keńjolaqty (UKJQ) internetti paidalana alady. Osylaisha, halyqtyń 96 paiyzy UKJQ-men qamtamasyz etilgen. 2020 jyldyń sońyna qarai turǵyn sany 250 jáne odan asatyn halqy bar aýyldy eldimekende 3G/4G uialy bailanys jelilerin salý jobasynyń sheńberinde 928 aýyldaǵy 600 myńnan astam turǵyndy (barlyq halyqtyń 3,3 paiyzy) UKJQ internetpen qamtamasyz etý josparlanýda», - dep jaýap berdi ministrlik resmi saýalǵa.
Atalǵan jobany iske asyrýdyń arqasynda 6 341 aýyldyń 5 163-i internetpen qamtylady. Jalpy 2020 jyldyń sońyna qarai 3G jáne 4G uialy bailanys jelilerin salý arqyly internetpen qamtylǵan halyqtyń úlesi 99,3 paiyzdy quramaq.
Ministrliktiń jaýabyna súiensek, qazirgi kezde telekommýnikatsiia salasyn damytýdyń negizgi mindetteriniń biri – Qazaqstan aýyldarynyń halqyn keńjolaqty internetpen qamtamasyz etý bolyp otyr.
«Halyqaralyq elektr bailanysy odaǵynyń ádistemesine sáikes, «keńjolaqty internet» uǵymy internetti 256 kbit/s nemese odan joǵary jyldamdyqpen paidalaný degendi bildiredi. Qazaqstanda keńjolaqty internet symdy (ADSL – 10 mbit/s, FTTN – 100 mbit/s) jáne symsyz (3G – 7,2 mbit/s, 4G – 100 mb/s) tehnologiialary arqyly usynylady. Qazirgi ýaqytta halyq sany 50 jáne odan astam aýyldyq eldi mekender jyldamdyǵy 512 kbit/s bolatyn CDMA tehnologiiasy arqyly internetke qol jetkize alady. Alaida bul jyldamdyq deńgeii aýyl halqynyń qajettilikterin qanaǵattyndyrmaidy. Osyǵan bailanysty, ministrlik aýyl halqynyń tsifrlyq teńsizdiginiń aldyn alý maqsatynda birqatar jobany iske asyrýda», - dep habarlaidy ministrlikten.
Eske sala ketsek, jaqynda QazAqparat agenttiginiń resmi saýalyna jaýap bergen Tsifrlyq damý, innovatsiialar jáne aeroǵarysh ónerkásibi ministrligi biyl internet tartylatyn 928 aýyldyń tizimin jariialaǵan bolatyn. Biyl internet tartylatyn 928 aýyldyń tizimin myna silteme arqyly kórýge bolady.
