فوتو: قتج
ۇلتتىق تاسىمالداۋشى پويىزدارىمەن جىل سايىن شامامەن 6 ملن ەيەل جولاۋشى ساپارلايدى, دەپ حابارلادى قازاقستان تەمٸر جولى.
"جولاۋشىلار تاسىمالى" اق پويىزدارىمەن جىل سايىن شامامەن 13,5 ميلليون جولاۋشى تاسىمالدانادى, ولاردىڭ جارتىسىنا جۋىعىن ەيەلدەر قۇرايدى. ورتا ەسەپپەن 6 ميلليونعا جۋىق ەيەل جولاۋشى ەلٸمٸزدٸڭ تەمٸرجول باعىتتارى بويىنشا جىل سايىن ساپارعا شىعادى.
جولاۋشىلاردىڭ جايلىلىعىن قامتاماسىز ەتۋ — ۇلتتىق تاسىمالداۋشى قىزمەتٸنٸڭ باسىم باعىتتارىنىڭ بٸرٸ.
"وسى ماقساتتا كومپانييا پويىزدارىندا ارنايى ەيەلدەرگە ارنالعان ۆاگوندار قاراستىرىلعان. بٷگٸندە مۇنداي ۆاگوندار 12 باعىت بويىنشا قاتىنايدى", - دەپ جازىلعان حابارلامادا.
كومپانييا حابارلاۋىنشا, تەمٸرجول سالاسىندا بٷگٸندە "جولاۋشىلار تاسىمالى" اق-دا 3,5 مىڭنان استام ەيەل قىزمەتكەر ەڭبەك ەتەدٸ. ولاردىڭ 1256-سى جولاۋشىلار پويىزدارىنىڭ جولسەرٸگٸ, ال 401-ٸ بيلەت كاسسالارىندا قىزمەت اتقارادى.
