Foto: QTJ
Ulttyq tasymaldaýshy poiyzdarymen jyl saiyn shamamen 6 mln áiel jolaýshy saparlaidy, dep habarlady Qazaqstan temir joly.
"Jolaýshylar tasymaly" AQ poiyzdarymen jyl saiyn shamamen 13,5 million jolaýshy tasymaldanady, olardyń jartysyna jýyǵyn áielder quraidy. Orta eseppen 6 millionǵa jýyq áiel jolaýshy elimizdiń temirjol baǵyttary boiynsha jyl saiyn saparǵa shyǵady.
Jolaýshylardyń jailylyǵyn qamtamasyz etý — Ulttyq tasymaldaýshy qyzmetiniń basym baǵyttarynyń biri.
"Osy maqsatta kompaniia poiyzdarynda arnaiy áielderge arnalǵan vagondar qarastyrylǵan. Búginde mundai vagondar 12 baǵyt boiynsha qatynaidy", - dep jazylǵan habarlamada.
Kompaniia habarlaýynsha, temirjol salasynda búginde "Jolaýshylar tasymaly" AQ-da 3,5 myńnan astam áiel qyzmetker eńbek etedi. Olardyń 1256-sy jolaýshylar poiyzdarynyń jolserigi, al 401-i bilet kassalarynda qyzmet atqarady.
