الماتى وبلىسىندا "نۇرلى جەر", "7-20-25" جەنە "باقىتتى وتباسى" باعدارلامالارىنىڭ ارقاسىندا ٶتكەن جىلى 2 443 وتباسى پەتەر الدى, ونىڭ 1 779-ى - كٶپ بالالى وتباسىلار. بۇل تۋرالى بٷگٸن تالدىقورعاندا ٶتكەن ەسەپ بەرۋ كەزدەسۋٸندە الماتى وبلىسىنىڭ ەكٸمٸ اماندىق باتالوۆ ايتتى.
حالىقتىڭ ەڭ ٶزەكتٸ سانالاتىن مەسەلەسٸ – باسپانامەن قامتۋ بويىنشا 2019 جىلى 894 مىڭ شارشى مەتر تۇرعىن ٷي ٸسكە قوسىلعان, بۇل 2018 جىلمەن سالىستىرعاندا 25% ارتىق.
- الايدا كەزەكتەگٸلەر سانى ازايماي وتىر, بٷگٸنگٸ تاڭدا 50,7 مىڭ ادام كەزەكتە تۇر, ونىڭ 20 مىڭى – ەلەۋمەتتٸك ەلجۋاز ساناتتاعى جەنە 5527-سٸ – كٶپ بالالى وتباسىلار. سوندىقتان بيىلعى جىلى تۇرعىن ٷي مەن ينجەنەرلٸك ينفراقۇرىلىم سالۋعا بٶلٸنگەن قارجى 1,6 ەسەگە ۇلعايتىلىپ, 32,6 ملرد. تەڭگەنٸ قۇرادى. بارلىعى 939 مىڭ شارشى مەتر ٷيدٸ پايدالانۋعا بەرۋ, ونىڭ ٸشٸندە «نۇرلى جەر» باعدارلاماسى بويىنشا - 147,7 مىڭ شارشى مەتر ٷيدٸ ٸسكە قوسۋ جوسپارلانعان. بارلىق باعىتتار بويىنشا 3600 وتباسىنى, ونىڭ ٸشٸندە 2400 ەلەۋمەتتٸك از قامتىلعان, كٶپ بالالى وتباسىنى تۇرعىن ٷيمەن قامتاماسىز ەتۋ مٸندەتٸن قويدىق. سونىمەن قاتار, قاراساي, ٸلە, تالعار اۋداندارى مەن قاپشاعاي قالاسىندا جەكە قۇرىلىس سالۋشىلار 1300 پەتەرلٸك جەتٸ تۇرعىن ٷي كەشەنٸن سالاتىن بولادى. ودان ەرٸ جىل سايىن كەمٸندە بٸر ملن. شارشى مەتر تۇرعىن ٷيدٸ بەرٸپ وتىرامىز, - دەدٸ ا. باتالوۆ.
وسى رەتتە وبلىس ەكٸمٸ ٶڭٸر كەسٸپكەرلەرٸنٸڭ دە بۇل ٸسكە ٷلەس قوسىپ وتىرعانىن ريزاشىلىقپەن جەتكٸزدٸ. ا. باتالوۆتىڭ ايتۋىنشا, ولار مۇقتاج وتباسىلارعا كٶمەك بەرۋدٸ پارىز ساناپ, ٶتكەن جىلى 170 پەتەرمەن قامتاماسىز ەتكەن. ٶتكەن اپتادا مەتسەناتتار قاپشاعاي قالاسىندا تاعى 30 پەتەردٸڭ كٸلتتەرٸن تاپسىردى.
الماتى وبلىسى ەكٸمٸنٸڭ باسپاسٶز قىزمەتٸ
