اعىمداعى جىلدىڭ باسىنان بەرٸ مەملەكەتتٸك قىزمەتشٸلەر 1 ملرد. تەڭگەگە جۋىق پارا العان. بۇل تۋرالى بٷگٸن ٷكٸمەت ٷيٸندە ٶتكەن بريفينگتە قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ ورىنباسارى رەتٸندە ايگٷل شايموۆا ايتتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«اعىمداعى جىلدىڭ باسىنان بەرٸ پارا العانى ٷشٸن 900-دەن استام ادام ۇستالدى. ولاردىڭ العان پارالارىنىڭ كٶلەمٸ ەرتٷرلٸ بولىپ كەلەدٸ. بٸراق, 1 ميلليون تەڭگەدەن كەم ەمەس. دەگەنمەن, سوڭعى جىلدارى پارا الىپ ٸستٸ بولعان مەملەكەتتٸك قىزمەتشٸلەردٸڭ قاتارى كەمي تٷسۋدە», - دەدٸ ايگٷل شايموۆا.
سونىمەن قاتار بريفينگ بارىسىندا باق ٶكٸلدەرٸ ەلەۋمەتتٸك جەلٸدە پٸكٸر جازعان مەملەكەتتٸك قىزمەتشٸ جازالانادى دەگەن اقپاراتتىڭ قانشالىقتى شىندىققا جاناساتىندىعىن سۇراعان بولاتىن.
«مەنٸڭ ويىمشا, بۇل جالعان مەلٸمەت. «مەملەكەتتٸك قىزمەت تۋرالى» زاڭ اياسىندا دا, مەملەكەتتٸك قىزمەتشٸلەردٸڭ ەدەپ كودەكسٸندە دە مۇنداي جاۋاپكەرشٸلٸك قاراستىرىلماعان», - دەدٸ ول.
وسى رەتتە جۋرناليستەر شقو مەملەكەتتٸك قىزمەت ٸستەرٸ جەنە جەمقورلىققا قارسى ٸس-قيمىل دەپارتامەنتٸ باسشىسىنىڭ مٸندەتٸن اتقارۋشى جاننا قابدوللاقىزىنىڭ ەدەپ جٶنٸندەگٸ كەڭەس وتىرىسىندا ەلەۋمەتتٸك جەلٸدەگٸ پاراقشاسىندا ەدەپكە جاتپايتىن فوتولار مەن پٸكٸرلەر قالدىرعانى ٷشٸن 30-دان استام مەملەكەتتٸك قىزمەتشٸنٸڭ جاۋاپقا تارتىلعاندىعىن ايتقانىن مىسالعا كەلتٸردٸ.
«پٸكٸر جازعانى ٷشٸن ەشكٸم جازالامايدى. بۇل مەلٸمەتتٸ تەكسەرەتٸن بولامىز. جالپى مەملەكەتتٸك قىزمەتشٸنٸڭ ەلەۋمەتتٸك جەلٸدە ٶزٸن قالاي ۇستاۋ كەرەكتٸگٸ ەدەپ كودەكسٸندە كٶرسەتٸلگەن», - دەدٸ اگەنتتٸك تٶراعاسىنىڭ ورىنباسارى.
