اعىمداعى جىلدىڭ قاڭتار-مامىر ايلارىندا اۋىل شارۋاشىلىعى الاسىنىڭ جالپى ٶنٸم كٶلەمٸ 3,1%-عا ارتىپ, 1 110 ملرد. تەڭگەنٸ قۇرادى, دەپ حابارلادى قر اۋىل شارۋاشىلىعى مينيسترلٸگٸنٸڭ باسپاسٶز قىزمەتٸ.
ٶسٸم نەگٸزٸنەن مال شارۋاشىلىعىنداعى ٶندٸرٸس كٶلەمٸنٸڭ 3,2%-عا ۇلعايۋى (1 039,4 ملرد. تەڭگە) ەسەبٸنەن قامتاماسىز ەتٸلدٸ. اتاپ ايتقاندا, ەت ٶندٸرۋ كٶلەمٸ تٸرٸدەي سالماقتا 5,5%-عا, سٷت ٶندٸرٸسٸ 3,1%-عا ٶستٸ.
اتالعان كەزەڭدە ٶسٸمدٸك شارۋاشىلىعى ٶنٸمدەرٸ 58,3 ملرد. تەڭگەگە ٶندٸرٸلٸپ, ناقتى كٶلەم يندەكسٸ 100%-دى قۇرادى. بۇل كٶلەم اۋىل شارۋاشىلىعى داقىلدارىن جابىق توپىراقتا (جىلىجايدا) ٶسٸرۋ ەسەبٸنەن قامتاماسىز ەتٸلدٸ.
وبلىستار بويىنشا رەسپۋبليكالىق دەڭگەيدەن جوعارى قارقىن تٶرت وبلىستا بايقالدى: اقمولا – 113,8%, پاۆلودار – 103,9%, باتىس قازاقستان جەنە قاراعاندى - 103,3%.
