ٶز ماماندىعىنىڭ شەگٸنە جەتكەن كەمەل تۇلعالار بارشىلىق. ال, بٸرنەشە ٶنەردٸ ٶز بويىنا سٸڭٸرٸپ, شەبەرلٸكتٸڭ شىڭىنا شىققاندار ساۋساقپەن سانارلىق. ون سەگٸز مىڭ عالامدى دا, وسى بٸز تٸرشٸلٸك ەتٸپ جٷرگەن جەر شارىن دا ۇستاپ تۇرعان - تەپە-تەڭدٸك. جالعاندا تەپە-تەڭدٸكتٸ ساقتاي بٸلگەن – ەڭ باقىتتى جانعا اينالماق. وسىنداي عاجاپ دارىن يەسٸ – چارلي چاپلين.
چارليدٸڭ بٸز اكتەر, رەجيسەر, ستسەناريست, كينوموتوگراف ەكەنٸن بٸلەمٸز. ودان بٶلەك پسيحولوگ, جازۋشى ەكەنٸن بٸلەسٸز بە?
بٸر عاسىر بۇرىن ايتىپ كەتكەن چارليدٸڭ سٶزدەرٸ بٷگٸنگٸ عالىمداردى تاڭ قالدىرۋدا. ەلەمدەگٸ ەڭ تانىمال پسيحولوگ لۋيزا حەيدٸڭ ٶمٸرلٸك قاعيداسى «ٶزٸڭدٸ سٷيۋ». ول بۇل قاعيدانى چاپليننەن العانىن اشىق مويىندايدى. ياعني, پسيحولوگتار ەندٸ جەتٸپ جاتقان جاڭالىققا چاپلين بٸر عاسىر بۇرىن ايتىپ قويعان.
«مەن ٶزٸمدٸ سٷيە باستاعان سەتتە – مۇڭ, قايعى دەگەنٸمٸز, ٶزٸمنٸڭ جولىمدا ەمەس, باسقا جولدا كەتٸپ بارا جاتقانىمدى ەسكەرتەتٸن دابىل ەكەندٸگٸن بٸلدٸم. بٷگٸن ونى كەنەتتەن تٷسٸندٸم دە, مەن ونى «ٶز-ٶزٸڭمەن بولۋ» دەپ اتادىم.
مەن ٶزٸمدٸ سٷيگەن سەتتە ۋاقىتى كەلمەسە دە, ٶز قالاۋىمدى جاساتا الماعانىم ٷشٸن, ادام اتاۋلىعا شىن رەنجۋدٸڭ قانداي ەكەندٸگٸن بٸلدٸم. جەنە ول ادام ٶزٸم ەدٸم. مەن ونى «مويىنداۋ» دەپ اتادىم.
مەن ٶزٸمدٸ سٷيگەن سەتتە باسقا ٶمٸرگە قىزىعۋدى دوعاردىم. دوعاردىم دا بايقادىم, بارلىعى مەنٸ قورشاپ مەنٸ ٶسۋگە شاقىرۋدا. بٷگٸن مەن ونى «كٶرەگەندٸلٸك» دەپ اتادىم.
مەن ٶزٸمدٸ سٷيگەن سەتتە, قانداي جاعداي بولسىن دۇرىس ۋاقىتتا, دۇرىس مەكەن جايدا ەكەنٸمدٸ بٸلدٸم. سول ٷشٸن سابىرلى بولدىم. مەن ونى «سەنٸمدٸلٸك» دەپ اتادىم.
مەن ٶزٸمدٸ سٷيە باستاعان سەتتە ٶز ۋاقىتىمدى ۇرلاۋدى دوعارىپ, بولاشاققا ٷلكەن جوسپارلار قويمايتىن بولدىم. تەك ماعان قۋاننىش, باقىت سىيلايتىن ٸستەردٸ عانا جاسايمىن.جەنە ونى ٶز تەسٸلٸمدە, ٶز ريتمٸمدە ورىندايمىن. بٷگٸن مەن ونى «قاراپايىمدىلىق» دەپ اتادىم.
مەن ٶزٸمدٸ سٷيگەن سەتتە, ماعان زييان كەلتٸرەتٸن تاعامداردان, ادامداردان, زاتتاردان, سەتتەردەن قۇتىلدىم. مەن ونى العاش «دەنٸ ساۋ ادامنىڭ ەگويزمٸ» دەپ اتاعان بولاتىنمىن. بٷگٸن مەن ونى «ٶزٸڭە دەگەن ماحاببات دەپ اتادىم»
مەن ٶزٸمدٸ سٷيگەن سەتتە, ٶزٸمدٸكٸن دۇرىس ەمەس دەۋدەن قورىقپادىم. سودان بەرٸ از قاتەلەستٸم. بٷگٸن مەن ونى «ۇستامدىلىق» دەپ اتادىم.
مەن ٶزٸمدٸ سٷيگەن سەتتە, ٶتكەندٸ ويلامايتىن, بولاشاققا الاڭدامايتىن بولدىم. بەرٸ بولىپ جاتقان تەك قازٸرگٸمەن عانا ٶمٸر سٷرەمٸن. بٷگڭن ممەن ونى «جاڭاشىلدىق» دەپ اتادىم.
مەن ٶزٸمدٸ سٷيگەن سەتتە, مەنٸڭ اقىلىم ٶزٸمدٸ رەنجٸتۋٸ دە مٷمكٸن ەكەندٸگٸن بٸلدٸم. ودان جاپا شەگۋٸم دە مٷمكٸن. ال, ونى جٷرەكپەن جالعاعان سەتتە اقىلىم مەنٸڭ ەڭ قۇندى دوسىما اينالدى. مەن ونى «جٷرەك اقىلى» دەپ اتادىم.
بٸزگە ەندٸ بەسەكەلەسۋدەن, قيىندىقتاردان, تٷرلٸ جانجالداردان قورقۋدىڭ قاجەتٸ جوق. تٸپتٸ, جۇلدىزدار دا سوعىسادى. جەنە ودان جاڭا عالام پايدا بولادى. بٷگٸن مەن ونى بٸلدٸم دە ونى «ٶمٸر» دەپ اتادىم.»
كەز-كەلگەن اتا-انانىڭ بالاسىنا دەگەن ريياسىز ەرٸ شٷبەسٸز ماحابباتىنان ارتىق ماحاببات جوق. چارلي چاپلين – 12 بالانىڭ ەكەسٸ. ول 1965 جىلى 76 جاسىندا پاريجدەگٸ جيىرما بٸر جاسار قىزى دجەرالديناعا حات جازعان. تەرەڭ ماعىناعا تولى حاتتى وقىعان ەربٸر قىز وي تٷيٸپ, ساباق الۋىنا بولادى.
«قىزىم مەنٸڭ!
قازٸر تٷن ورتاسى. ٷي ٸشٸندەگٸلەردٸڭ بەرٸ قالىڭ ۇيقىدا. اعا – ەپكەلەرٸڭ, تٸپتٸ اناڭ دا ۇيىقتاپ قالدى. سەن مەنەن سونداي الىستاسىڭ! بٸراق سەنٸڭ بەينەڭ مەنٸڭ جۇمىس ٷستەلٸم مەن جٷرەگٸمنٸڭ بٸر تٷكپٸرٸندە ساقتاۋلى. سەنٸڭ بەينەڭدٸ كٶز الدىما ەلەستەتە الماي قالعان سەتتە سوقىر بولىپ قالايىن. قازٸر سەن پاريجدە, اتاقتى ەليسەي القابى تەاترىنداعى ساحنادا بيلەپ جٷرسٸڭ. مەن ول جەردٸ جاقسى بٸلەم, سوندىقتان وسىنداي مٷلگٸگەن تٷنگٸ تىنىشتىقتا سەنٸڭ ەرلٸ-بەرلٸ جٷرگەن اياعىڭنىڭ دىبىسىن ەستٸپ, اسپانداعى جارىق جۇلدىزداي جارقىراعان كٶزدەرٸڭدٸ كٶرە الام.
مەن سەنٸڭ مەرەكەلٸك سپەكتاكلدە تاتار حانىنىڭ تۇتقىنىنا تٷسكەن پارسى سۇلۋىنىڭ رٶلٸن سومداپ جاتقانىڭدى ەلەستەتەم. ەدەمٸ بول, بيلەي تٷس! جۇلدىز بولىپ, جارقىرا! الايدا, حالىقتىڭ قوشەمەتٸ مەن العىسىنا ماستانبا! ەگەر ساعان سىيلانعان گٷلدەردٸڭ قوش يٸسٸنە «باسىڭ اينالسا», مەنٸڭ حاتىمدى وقى. جٷرەگٸڭنٸڭ ٷنٸنە قۇلاق اس. مەن سەنٸڭ ەكەڭمٸن, دجەرالدينا! مەن – چارلي چاپلينمٸن. كٸشكەنتاي كەزٸڭدە كەرەۋەت جانىندا وتىرىپ, ساعان ۇيقىداعى ارۋ تۋرالى ەرتەگٸ ايتقانىمدى بٸلەسٸڭ بە?
دجەرالدينا, مەن تٷسٸمدە سەنٸڭ ارمانىڭدى, بولاشاعىڭ مەن بٷگٸنٸڭدٸ كٶرەتٸنمٸن. ساحنادا بيلەپ جٷرگەن قىزدى – اسپاندا قالىقتاپ تۇرعان اق پەرٸشتەنٸ كٶرەم. قۇلاعىما ادامداردىڭ: «بيلەپ جٷرگەن اناۋ قىزدى كٶردٸڭدەر مە? ول اتاقتى كينواكتەردٸڭ قىزى عوي. ەستەرٸڭدە مە, ونى چارلي دەپ اتايتىن» دەگەن داۋىستارى ەستٸلەدٸ. يە, مەن – چارليمٸن! مەن اتاقتى اكتەرمٸن! ەندٸگٸ كەزەك سەنٸكٸ. بيلە! مەن جىرتىق شالبارمەن بيلەگەنمٸن, ال سەن جٸبەك كٶيلەكتٸ حانشايىم كەيپٸندە بيلەيسٸڭ! بي مەن كٶرەرمەننٸڭ قۋانا قول سوعۋى سەنٸ كٶككە ۇشىرۋى مٷمكٸن. ۇش! قالىقتا! الايدا, جەرگە تٷسۋدٸ دە ۇمىتپا… سەن جەر بەتٸندە ٶمٸر سٷرٸپ جاتقان ەرتٷرلٸ ادامداردىڭ ٶمٸرٸن كٶرۋ كەرەكسٸڭ. سۋىق پەن اشتىقتان دٸرٸلدەگەن كٶشە بيشٸلەرٸنٸڭ ٶمٸرٸنە بٸر سەت بولسىن نازار اۋدارىپ قارا. سەبەبٸ, مەن دە سولار سيياقتى بولعانمىن, دجەرالدينا.
مەنٸڭ ايتقان ەرتەگٸلەرٸمدٸ تىڭداپ جاتىپ ۇيىقتاپ كەتەتٸن سەنٸڭ سٷيكٸمدٸ جٷزٸڭە قاراپ وتىراتىنمىن. جۇدىرىقتاي جٷرەگٸڭنٸڭ دٷرسٸلٸن تىڭداپ وتىرىپ ٶز-ٶزٸمنەن: «چارلي, مىنا «كٷشٸك» ٶسكەندە مەنٸ تانيتىن بولا ما?» دەپ سۇرايتىنمىن. الىستا قالعان سول تٷندەردە ساعان كٶپ ەرتەگٸ ايتتىم, بٸراق ٶز ەرتەگٸمدٸ ەشقاشان ايتقان ەمەسپٸن. شىن مەنٸندە ٶزٸم تۋرالى ەرتەگٸ دە قىزىق ەدٸ. ول ەرتەگٸ ٶزەگٸنە نەر ٸزدەگەن ٶنەر ادامىنىڭ لوندون كٶشەلەرٸندە ەن ايتىپ, بي بيلەپ, قايىر سۇراپ كٷن كٶرگەنٸ تۋرالى بولاتىن. مٸنە, مەنٸڭ ەرتەگٸم وسى! مەن اشتىقتىڭ, باسپاناڭ بولماۋدىڭ نە ەكەنٸن جاقسى بٸلەم. مەن ٶتە تەكاپپار بولدىم. ەرلٸ-بەرلٸ ٶتكەن ادامداردىڭ تاستاپ كەتكەن تيىندارى مەنٸڭ سول تەكاپپارلىعىمنىڭ كٷل-تالقانىن شىعاراتىن. سوعان قاراماستان مەن ەلٸ تٸرٸمٸن, سوندىقتان بۇدان بىلاي ول تۋرالى ايتپاي-اق قويايىق.
ودان دا سەن تۋرالى سٶيلەسەيٸكشٸ. دجەرالدينا دەگەن سەنٸڭ اتىڭنان كەيٸن چاپلين دەگەن مەنٸڭ اتىم ايتىلادى. وسى فاميليياممەن قىرىق جىلدان استام ۋاقىت جەر بەتٸندەگٸ ادامدارعا كٷلكٸ سىيلادىم. بٸراق سول ادامداردىڭ كٷلكٸلەرٸمەن سالىستىرعاندا, مەن كٶبٸرەك جىلاپپىن.
دجەرالدينا, سەن ٶمٸر سٷرٸپ جاتقان ەلەمدە بي مەن مۋزىكا عانا بار دەپ ويلاما! تٷن ورتاسىندا ٷلكەن زالدان شىققاندا ٶنەرٸڭە باس يەتٸن قالتاسى قالىڭ ادامداردى ۇمىتىپ كەتۋٸڭ مٷمكٸن, الايدا ٶزٸڭدٸ ٷيٸڭە اپارىپ سالاتىن كٶلٸك جٷرگٸزۋشٸسٸنەن ونىڭ ەيەلٸ تۋرالى سۇراۋدى ۇمىتۋشى بولما. ەگەر ونىڭ ەيەلٸنٸڭ اياعى اۋىر بولسا, ەگەر جارىق دٷنيە ەسٸگٸن ەندٸ عانا اشاتىن سەبيلەرٸنٸڭ جايالىقتارىن الاتىن اقشاسى جوق بولسا, وعان قول ۇشىن سوزىپ, اقشا بەر. ارا-تۇرا مەتروعا, اۆتوبۋسقا وتىر. جاياۋ جٷرٸپ, قالانى ارالا. اينالاڭداعى ادامدارعا قارا! جەتٸمدەر مەن جەسٸرلەرگە كٶز قىرىڭدى سال. جەنە كٷنٸنە تىم بولماعاندا بٸر رەت «مەن دە دەل سولار سيياقتى اداممىن» دەگەن سٶزدٸ قايتالاپ ايت. شىنىمەن دە, سەن سولاردىڭ بٸرٸ عاناسىڭ, قىزىم! ٶنەر ادامعا قانات بٸتٸرمەس بۇرىن, اسپانداپ كەتپەسٸن دەپ اياعىن سىندىرادى. ەگەر كٷندەردٸڭ بٸر كٷنٸندە ٶزٸڭدٸ ەلدەن ەرەكپٸن دەپ ويلاساڭ, ساحنانى تاستاپ كەت. تاكسيگە وتىر دا پاريج ماڭىنداعى الاڭعا بار. مەن ول جەردٸ جاقسى بٸلەم. ول جەردەن سەن دەل ٶزٸڭ سيياقتى, تٸپتٸ ٶزٸڭنەن دە ەدەمٸ, ٶزٸڭنەن دە ەرەكشە, ٶزٸڭنەن دە تەكاپپار بيشٸلەردٸ كٶرەسٸڭ. سەن ٶنەر كٶرسەتٸپ جٷرگەن تەاترداعى اينالاڭدى جارىقتاندىراتىن قۇرىلعى ول جەردە جوق. ول جەردٸ اسپانداعى اي عانا جارىقتاندىرادى…
ولارعا انىقتاپ قاراپ ال! مٷمكٸن ولار سەنەن دە جاقسىراق بيلەيتٸن شىعار?! مويىنداي بٸل, قىزىم! قاشان دا سەنەن دە ارتىق بيلەپ, سەنەن دە ارتىق وينايتىن ادام تابىلاتىنىن ۇمىتپا! تاعى بٸر نەرسەنٸ ەسٸڭنەن شىعارما: بٸزدٸڭ وتباسىمىزدا ەشقاشان سەنا (ٶزەن اتاۋى)بويىندا قايىر سۇراپ وتىرعان بەيباقتارعا كٷلە قارايتىن دٶرەكٸ ادام بولعان ەمەس. مەن ٶلەم, بٸراق سەن ٶمٸر سٷرەتٸن بولاسىڭ. مەن سەنٸڭ تارشىلىق كٶرگەنٸڭدٸ قالامايمىن. سول سەبەپتٸ ساعان وسى حاتپەن بٸرگە قالاعانىڭشا جۇمساۋىڭ ٷشٸن چەك كٸتاپشامدى جٸبەرەمٸن. الايدا, ەكٸ فرانكتٸ جۇمساعاندا ٷشٸنشٸ فرانك سەنٸكٸ ەمەس ەكەندٸگٸن ەسٸڭنەن شىعارما. ول اقشاعا مۇقتاج بەيتانىس ادامدٸكٸ بولۋعا تيٸستٸ. ال كٶمەككە مۇقتاج ادامدى سەن وڭاي تاۋىپ الاسىڭ. سەنٸمەن اقشا تۋرالى ەڭگٸمە ٶربٸتكەنٸمنٸڭ سەبەبٸ, اقشانىڭ كٷشٸ قانداي ەكەنٸن مەن جاقسى بٸلەم.
مەنٸڭ كٶپ ۋاقىتىم تسيركتە ٶتتٸ. سول كەزدە ارقان بويىمەن جٷرەتٸندەر ٷشٸن قاتتى ۋايىمدايتىنمىن. ساعان ارقان بويىمەن جٷرەتٸندەرگە قاراعاندا قارا جەردٸ باسىپ جٷرگەن ادامدار جيٸ سٷرٸنٸپ, جيٸ قۇلايتىنىن ايتقىم كەلەدٸ. كٷندەردٸڭ بٸر كٷنٸندە سەنٸڭ كٶزٸڭدٸ ەلدەكٸمنٸڭ سىيلاعان مەرمەر تاسى جاۋلاپ الۋى مٷمكٸن. وسى سەتتە سول مەرمەر تاس سەن ٷشٸن قاۋٸپتٸ ارقانعا اينالادى جەنە ول ارقاننان قۇلاپ قالاتىنىڭ سٶزسٸز. كٷندەردٸڭ بٸر كٷنٸندە سىرت بەينەسٸ كٶركەم ەلدەبٸر ادامعا عاشىق بولىپ قالاسىڭ. دەل سول سەتتە سەن تەجٸريبەسٸز ارقان ٷستٸمەن جٷرۋشٸگە اينالاسىڭ, ال تەجٸريبەسٸز ادامدار ارقاننان جيٸ قۇلايدى. جٷرەگٸڭدٸ التىن مەن باعالى ەشەكەي بۇيىمدارعا ساتپا. ەلەمدەگٸ ەڭ باعالى, ەڭ اسىل مەرمەر تاس – كٷن. باقىتىمىزعا وراي, ول سەۋلەسٸن جەر بەتٸندەگٸلەردٸڭ بەرٸنە شاشادى. ەلدەكٸمدٸ جاقسى كٶرٸپ قالاتىن كەزٸڭ دە كەلەدٸ. ەگەر جاقسى كٶرسەڭ, ول ادامدى شىن جٷرەگٸڭمەن جاقسى كٶر. مەن سەنٸڭ اناڭا ساعان وسى تۋرالى جاز دەپ ايتتىم. ونىڭ ماحاببات تۋرالى تٷسٸنٸگٸ مەنٸڭ تٷسٸنٸگٸمنەن كەڭٸرەك جەنە وعان بۇل تاقىرىپتا سەنٸمەن سٶيلەسكەن جەڭٸلٸرەك.
سەنٸڭ جۇمىسىڭ اۋىر, تٷسٸنەم… بيلەگەن سەتتە سەنٸڭ تەنٸڭ جٸبەك ماتانىڭ كٸشكەنە بٶلٸگٸمەن عانا جابۋلى بولادى. ٶنەر ٷشٸن ساحناعا جالاڭاش شىعۋعا بولادى, الايدا ٷيگە كيٸنگەن قالپىڭدا جەنە جانىڭ تازا كٷيدە قايتۋىڭ كەرەك. مەن قارتايدىم, سول ٷشٸن مەنٸڭ ايتقان سٶزدەرٸم سەن ٷشٸن كٷلكٸلٸ بولىپ كٶرٸنۋٸ مٷمكٸن. بٸراق ايتپاۋعا تاعى بولمايدى: مەنٸڭشە, سەنٸڭ جالاڭاش تەنٸڭە سەنٸڭ جالاڭاش جانىڭدى جاقسى كٶرەتٸن ادام يە بولۋى كەرەك. قازٸر بۇل ويىممەن كەلٸسپەيتٸن دە شىعارسىڭ. اتا-انا مەن بالا ٷنەمٸ «جەكپە-جەكتە» جٷرەتٸنٸن بٸلەمٸن. مەنٸمەن, مەنٸڭ ويلارىممەن «سوعىس», قىزىم! مەن جەكە كٶزقاراسى جوق, كٶنگٸش بالالاردى ۇناتپايمىن.
الدىمدا جاتقان پاراققا كٶزدەرٸمنەن جاس تامشىلارى اعىپ تٷسپەيٸنشە, بٷگٸنگٸ جاڭا جىل تٷنٸ – عاجايىپتار تٷنٸ ەكەنٸنە سەنگٸم كەلەدٸ. شىنىمەن عاجايىپ بولىپ, ساعان نە ايتقىم كەلگەندٸگٸن تٷسٸنگەنٸڭدٸ قالايمىن. چارلي ەندٸ قارتايدى, دجەرالدينا. ەرتە مە كەش پە, مەنٸ جەر قوينىنا تاپسىراتىن كەزدە ساحناعا كيەتٸن اق كٶيلەكتٸڭ ورنىنا جەرلەۋ رەسٸمٸنە ارنالعان قارا كٶيلەك كيٸپ كەلۋٸڭە تۋرا كەلەدٸ. قازٸر سەنٸڭ كٶڭٸل-كٷيٸڭدٸ تٷسٸرگٸم كەلمەيدٸ. ۋاقىت ٶتە كەلە سەن ايناعا قاراعان سايىن ايناداعى ٶز بەينەڭنەن مەنٸڭ بەينەمدٸ كٶرە باستايسىڭ. سەبەبٸ, سەنٸڭ تۇلا-بويىڭدا مەنٸڭ قانىم اعىپ جاتىر. مەن جەر جاستانسام دا, سەنٸڭ ەكەڭدٸ ۇمىتىپ كەتكەنٸڭدٸ قالامايمىن. مەن پەرٸشتە بولعان ەمەسپٸن, بٸراق قاشان دا ادام بولىپ قالۋعا تىرىستىم. سەن دە سٶيت…
بەتٸڭنەن سٷيدٸم, دجەرالدينا. ەكەڭ – چارلي.
جەلتوقسان. 1965 جىل
ۇلى عالىم ەينشتەين مەن تەڭدەسسٸز كينەماتوگراف چارلي چاپلين اراسىندا بولعان مىناداي قىزىقتى وقيعا ەل اۋزىندا ساقتالىپتى.
ەينشتەين چارلي چاپلين شىعارماشىلىعىنا زور قىزىعۋشىلىق تانىتاتىن جەنە ونىڭ كەيٸپكەرلەرٸن دە ۇناتىپ تاماشالايتىن. بٸر كٷنٸ ول چاپلينگە مىناداي مازمۇنداعى حات جٸبەرەدٸ:
«سٸزدٸڭ "التىن بەزگەك" ("زولوتايا ليحورادكا") فيلمٸڭٸز ەلەمدەگٸ بارشا ادامزاتقا تٷسٸنٸكتٸ, سول سەبەپتٸ مەن سٸزدٸڭ ۇلى تۇلعا بولاتىنىڭىزعا سەنٸمدٸمٸن. ەينشتەين".
چاپلين بولسا وعان مىناداي جاۋاپ جازىپتى:
"مەن سٸزگە تامسانا قارايمىن. سٸزدٸڭ سالىستىرمالىلىق تەوريياڭىزدى ەشكٸم تٷسٸنبەيدٸ, بٸراق سٸز سوعان قاراماستان ۇلى تۇلعاعا اينالدىڭىز. چاپلين».
وسى ۋاقىتقا دەيٸن قانشاما توم-توم كٸتاپتار جازىلدى. سول كٸتاپتاردىڭ ٸشٸندە جالعىز كٸتاپ ەرەكشەلەندٸ. ال, سول كٸتاپتىڭ ٸشٸندە سٶزدەر ەرەكشەلەنەدٸ. ادامدى ۋاقىت ەمەس, سەتتەر ٶزگەرتەتٸنٸ سيياقتى, ويدى دا كٸتاپ ٶزگەرتپەيدٸ, سٶزدەر ٶزگەرتەدٸ. چارلي چاپليننٸڭ تٷيدەك سٶزدەرٸ ارقىلى دا قانشاما وي تٷيۋگە بولادى.
- عالاماداعى ەڭ كەرەمەت اكتەرلار ول سەبيلەر مەن يتتەر
- مەن پٸلدەرددٸ جەك كٶرەمٸن سونداي الىپ, بٸراق, تٸلالعىش.
- سەبي بولماعان ادام, ٷلكەن بولمايدى.
- بٸرەۋدٸ ٶلتٸرسەڭ جاۋىزسىڭ, مىڭدى ٶلتٸرسەڭ باتىرسىڭ!
- كٸم اش اسقازانداردى تاماقتاندىرسا, سول ٶزٸنٸڭ جانىن تاماقتاندىرادى.
- ەيەل زاتى ميلليونەر قىلا اللادى, كەز-كەلگەن ميللياردەر ەركەكتٸ.
- اينا - مەنٸڭ ەڭ جاقىن دوسىم, ٶيتكەنٸ مەن جىلاعاندا, ول ەشقاشان كٷلمەيدٸ.
- سٸزدٸڭ جالاڭاش تەنٸڭٸزگە سٸزدٸڭ جالاڭاش جانىڭىزدى دا جاقسى كٶرەتٸن ادام يە بولۋ كەرەك.
- سكريپكادا, رويالدا ويناپ ٷيرەنگەن سيياقتى, ويلاۋ قابٸلەتٸنە دە تەجٸريبە كەرەك.
- كٷلكٸ مەن كٶز جاسى بويىڭىزداعى قورقىنىش پەن جەك كٶرۋدٸ جەڭەتٸن دەرٸلەر.
- ٶنەر ادامى بيٸكتەيتٸنٸ انىق, ال, جەرگە تٷسەردە كٶبٸسٸ قۇلاپ, اياعىن سىندىرىپ جاتادى. سول ٷشٸن وعان ەڭ العاش قانات بەرۋ قاجەت.
- ٶنەرٷشٸن ساحىناعى كيٸمسٸز جەنە لاس بولىپ شىعۋعا بولادى. ال, ول جاقتان ٷيگە مٸندەتتٸ تٷردە كيٸممەن جەنە تازا بولىپ كەلۋ كەرەك.
وسىلايشا چارلي تەك ٶز سالاسىندا عانا ەمەس, ٶزگە باعىتتاردا دا وزىق بولۋدىڭ عاجايىپ ٷلگٸسٸن كٶرسەتتٸ. قازٸرگٸ تاڭدا ەلەمدەگٸ ەڭ تانىمال اكتەرلاردىڭ بٸرٸ دجەكي چان ٶزٸنٸڭ بالا كەزٸنەن چاپلينگە ەلٸكتەگەنٸن ايتادى. دجەكي چاننىڭ دا بٸرنەشە سالانى مەڭگەرگەنٸ بەرٸمٸزگە بەلگٸلٸ. بەساسپاپتىق قاسيەت ەشقاشان دا سەن ٷلگٸسٸنەن قالماق ەمەس.
ەندەشە, قادٸرلٸ وقىرمان, قوس قولىن كۋدەگە قۋسىرىپ, ٶزگە تٷگەل ٶز ٸسٸن يگەرە المايتىن جاندارعا سان قىرلى چارليدٸڭ ٶنەگەلٸ ٶمٸرٸن ٷلگٸ بولارى سٶزسٸز. ماعان ىلعي ول جٷز قولى جاناردى ارباعان, ەرەكشە بولمىس يەسٸندەي كٶرٸنەدٸ... يە, جٷز قولى بار چارلي...
دايىنداعان: ەلٸمجان ەلٸشەر
