اننەكسييالانعان سەۆاستوپولدە ەسكەري-تەڭٸز فلوتىنىڭ جەتەكشٸسٸ ادميرال نيكولاي ەۆمەنوۆ جەنە قارا تەڭٸز فلوتىنىڭ باسشىلىعى بٸرنەشە كٷن بۇرىن سۋعا باتىپ كەتكەن "موسكۆا" راكەتالىق كرەيسەرٸنٸڭ ەكيپاج ٶكٸلدەرٸمەن كەزدەستٸ. كەزدەسۋ ۆيدەوسى رەسەي قورعانىس مينيسترلٸگٸنٸڭ تەلەگرام ارناسىندا جەنە "زۆەزدا" تەلەارناسىنىڭ سايتىندا جارييالاندى, دەپ حابارلايدى ازاتتىق راديوسى.
ەۆمەنوۆ جينالعاندارعا كرەيسەر دەستٷرٸ ساقتالىپ, جالعاساتىنىن ايتتى. ونىڭ ايتۋىنشا, وفيتسەرلەر قۇرامى, جالدامالىلار مەن ميچماندار فلوتتا قىزمەتٸن جالعاستىرا بەرەدٸ. ەسكەري بورىشىن ٶتەپ جٷرگەندەر زاڭعا سەيكەس, مٸندەتتەن بوساتىلىپ, تٸركەۋگە تۇرۋعا جٸبەرٸلەدٸ.
ۆيدەوجازبادا ەكيپاجدا قانشا ادامنىڭ بولعانى تۋرالى دەرەك ايتىلمايدى. ەدەتتە جەكە قۇرامدى تاراتۋ كەزٸندە كوماندير ەكيپاج قۇرامىن جارييالاپ, جارالانعاندار مەن قازا بولعاندار تۋرالى ايتۋى تيٸس. بٸراق "نوۆايا گازەتا. ەۆروپا" سايتى ۆيدەوجازباداعى العاشقى كادرلاردا دىبىس جوق ەكەنٸنە نازار اۋدارعان. باسىلىمنىڭ جازۋىنشا, العاشقى كادرلاردان "موسكۆا" كومانديرٸ انتون كۋپريندٸ كٶرۋگە بولادى. وسىعان دەيٸن ۋكراينا شەكارا قىزمەتٸ ونىڭ قازا بولعانىن حابارلاعان.
رەسەي قورعانىس مينيسترلٸگٸ كرەيسەر ەكيپاجى تۇتاس ەۆاكۋاتسييالانعانىن حابارلاعان. بٸراق ازاتتىقتىڭ ورىس قىزمەتٸ ميچمان يۆان ۆاحرۋشەۆتٸڭ قازا بولعانىن انىقتادى. جۋرناليستەر ونىڭ ەيەلٸ ۆارۆارا ۆاحرۋشەۆانىڭ "ودنوكلاسسنيكي" جەلٸسٸندەگٸ اككاۋنتىن انىقتادى. وندا ەيەل كٷيەۋٸنٸڭ قازا بولعانىن حابارلاپ, تەڭٸزشٸ فورماسىن كيگەن ەر ادامنىڭ سۋرەتٸن جارييالادى.
"ۆكونتاكتە" جەلٸسٸندە جۋرناليستەردٸڭ سۇراقتارىنا جاۋاپ بەرگەن ۆاحرۋشەۆا كٷيەۋٸ "موسكۆا" كرەيسەرٸنٸڭ باتۋى نەتيجەسٸندە قازا بولعانىن ايتتى. ول جۇبايىنىڭ قازا بولعانىن 14 سەۋٸردە باسشىلىقتان ەستٸگەن. كٷيەۋٸنٸڭ دەنەسٸ تابىلعان, بٸراق ونىڭ قالاي قازا بولعانى جايلى مەلٸمەت تۋىستارىنا ايتىلماعان. ەيەلدٸڭ ايتۋىنشا, "موسكۆا" ەكيپاجىنىڭ تاعى 27 مٷشەسٸ ٸز-تٷزسٸز جوعالعان. بٸراق بۇل اقپارات ەزٸرگە رەسمي تٷردە راستالمادى.
"موسكۆا" كەمەسٸنە زىمىرانمەن سوققى جاساعانىن ۋكراينا تارابى 13 سەۋٸردە مەلٸمدەگەن. 14 سەۋٸرگە قاراعان تٷنٸ رەسەي قورعانىس مينيسترلٸگٸ كەمەدە ٶرت بولعانىن راستادى.
14 سەۋٸردە كٷندٸز پەنتوگون دا, رەسەي دە كرەيسەردٸڭ تەڭٸز بەتٸندە ەكەنٸن حابارلاعان. بٸراق بٸرنەشە ساعاتتان سوڭ رەسەي قورعانىس مينيسترلٸگٸ "كەمە تەڭٸزدەگٸ داۋىلدان تەپە-تەڭدٸك ساقتاي الماي, باتىپ كەتتٸ" دەپ مەلٸمدەدٸ. مەسكەۋ ٶرتتٸن نەدەن شىققانىن ايتپادى.
پەنتاگونداعى دەرەككٶز كەمەگە ۋكراينالىق ەكٸ "نەپتۋن" زىمىرانى تٷسكەننەن كەيٸن سۋعا باتىپ كەتكەنٸن ايتقان. ۆاشينگتونداعىلار زىمىران سوققىسى مەن كەمە باتقاننان كەيٸن ادام شىعىنى بولعانىنا سەنٸمدٸ, بٸراق قانشا تەڭٸزشٸ باتىپ كەتكەنٸن ايتا المادى.
ايتا كەتەيٸك, 15 سەۋٸرگە قاراعان تٷنٸ رەسەي "نەپتۋن" راكەتالارىن شىعاراتىن كيەۆتەگٸ "ۆيزار" زاۋىتىنا زىمىرانمەن سوققى جاساعان.
