سۋرەت اشىق دەرەككٶزدەن الىندى
“الماتى” ارناسى قىزمەتكەرلەرٸنٸڭ باسىنان ٶتكەن وقيعاعا بايلانىستى مەلٸمدەمە جاسادى, دەپ حابارلايدى "ۇلت اقپارات" Almaty.tv سايتىنا سٸلتەمە جاساپ.
“قۇرمەتتٸ دوستار! بٷگٸن الاڭداتارلىق بٸر جاعداي بولدى. قاڭتار وقيعاسى كەزٸندە قازا تاپقان 4 جاستاعى ايكٶركەم مەلدەحاننىڭ ٶلٸمٸنە قاتىستى الماتى گارنيزونىنىڭ ەسكەري سوتى ماڭىندا بٸزدٸڭ ەرٸپتەستەرٸمٸزگە ازاماتتىق بەلسەندٸ بەليالوۆ بايباح كٷش كٶرسەتكەن.
ەش سەبەپسٸز تٷسٸرٸلٸم توبىنا تاپ بەرگەن ازامات جۋرناليست پەن تەلەوپەراتورعا دەنە جاراقاتىن سالىپ, بەينەكامەرا شتاتيۆٸن سىندىرعان. ونىمەن قويماي, ەرٸپتەستەرٸمٸزدٸ مۇنىمەن توقتاپ قالمايتىنىن ايتىپ قورقىتقان, بالاعات سٶز ايتقان.
بٸز ايكٶركەم مەلدەحاننىڭ قازاسىنا قايعىرامىز, بٸراق بۇل وقيعاعا دا بەيجاي قاراي المايمىز. سونىمەن قاتار باق ٶكٸلدەرٸنە كٷش كٶرسەتۋدٸ تەرتٸپسٸزدٸك ھەم زاڭعا قايشى ەرەكەت دەپ سانايتىنىمىزدى جەتكٸزگٸمٸز كەلەدٸ. وسى تۇستا كٸنەلٸ ازاماتقا زاڭ شەڭبەرٸندە شارا قولدانىلۋىن تالاپ ەتەمٸز”, - دەلٸنگەن مەلٸمدەمەدە.
سونداي-اق تەلەارنا ۇجىمى ەلدٸڭ باس پروكۋراتۋراسى مەن ٸشكٸ ٸستەر مينيسترلٸگٸنەن, قر اقپارات جەنە قوعامدىق دامۋ مينيسترلٸگٸنەن قىزمەتكەرلەردٸڭ قاۋٸپسٸزدٸگٸن قامتاماسىز ەتۋدٸ سۇرايدى.
