Sýret ashyq derekkózden alyndy
“Almaty” arnasy qyzmetkerleriniń basynan ótken oqiǵaǵa bailanysty málimdeme jasady, dep habarlaidy "Ult aqparat" Almaty.tv saityna silteme jasap.
“Qurmetti dostar! Búgin alańdatarlyq bir jaǵdai boldy. Qańtar oqiǵasy kezinde qaza tapqan 4 jastaǵy Aikórkem Meldehannyń ólimine qatysty Almaty garnizonynyń áskeri soty mańynda bizdiń áriptesterimizge azamattyq belsendi Belialov Baibah kúsh kórsetken.
Esh sebepsiz túsirilim tobyna tap bergen azamat jýrnalist pen teleoperatorǵa dene jaraqatyn salyp, beinekamera shtativin syndyrǵan. Onymen qoimai, áriptesterimizdi munymen toqtap qalmaitynyn aityp qorqytqan, balaǵat sóz aitqan.
Biz Aikórkem Meldehannyń qazasyna qaiǵyramyz, biraq bul oqiǵaǵa da beijai qarai almaimyz. Sonymen qatar BAQ ókilderine kúsh kórsetýdi tártipsizdik hám zańǵa qaishy áreket dep sanaitynymyzdy jetkizgimiz keledi. Osy tusta kináli azamatqa zań sheńberinde shara qoldanylýyn talap etemiz”, - delingen málimdemede.
Sondai-aq telearna ujymy eldiń Bas prokýratýrasy men Ishki ister ministrliginen, QR Aqparat jáne qoǵamdyq damý ministrliginen qyzmetkerlerdiń qaýipsizdigin qamtamasyz etýdi suraidy.
