اقبوتا سەيٸتماعامبەت Instagram پاراقشاسىندا مۇڭدى فوتوسىن بٶلٸستٸ. سۋرەتتە ەنشٸ جىلايىن دەپ تۇرعانداي كەيٸپتە بوي كٶرسەتتٸ, دەپ جازادى NUR.KZ پورتالى.
وعان قوسا, ول اتالعان فوتونىڭ استىنا ماحابباتقا قاتىستى اسا ەسەرلٸ جازبا قالدىردى.
"سەنٸڭ سۋىق جٷرەگٸڭە قانشاما ماحابباتتى تٶكتٸم. قانشاما رەت سول مۇزداي جٷرەگٸڭدە تايعاناقتاپ قۇلادىم. جارالاندىم. قايتا تۇرىپ, سول مۇز جٷرەكتە ماحابباتپەن اسىر سالىپ ويناپ, باقىتتى بولدىم. قانشا تاڭداۋ تۇرسا دا, مەن ەردايىم سەزٸمنەن توڭاتىن ٶمٸردٸ تاڭدادىم", - دەپ جازعان ٶنەر يەسٸ.
بۇل جايت اكتريسانىڭ وقىرماندارىن اسا قاتتى الاڭداتىپ قويعان. ولار شوۋ-بيزنەس جۇلدىزىنا بارىنشا قولداۋ بٸلدٸردٸ.
قالىڭ كٶپشٸلٸك اقبوتانىڭ مۇڭايۋىنا سەتسٸز نەكەسٸ سەبەپ بولعان دەپ بولجاۋدا.
"ساعان ماحاببات سىيلاپ, ٶزٸڭدٸ قۇرمەتتەپ ٶتەتٸن جاندى ەلٸ دە كەزدەستٸرەسٸڭ", "قايعىرما اقبوتا, سەندە بەرٸ جاقسى بولادى. باستىسى, بالالارىڭ امان بولسىن", "دەۋرەندٸ ۇمىتقىڭ كەلەدٸ مە? كەيدە جٷرەككە ەمٸر جٷرمەيدٸ", "نەگە كٶزدەرٸڭ مۇڭعا تولى? جٷرەگٸمدٸ اۋىرتپاشى", "اقبوتا قاتتى قايعىرماشى. بەرٸ دە جاقسى بولادى. الدا سەنٸ كەرەمەت ازامات كٷتٸپ تۇرعانىنا سەنٸمدٸمٸن", - دەپ جازۋدا كٶپشٸلٸك.
