قازاقستانداعى جۇمىسسىزدىق دەڭگەيٸ ەكٸ جىل بويى ٶزگەرٸسسٸز قالىپ وتىر. 2021 جىلدىڭ اياعىندا ول 4,9 پايىز بولعان ەدٸ, - دەپ حابارلايدى Tengrinews.kz اگەنتتٸگٸ Finprom.kz پورتالىنا سٸلتەمە جاساپ.
جۇمىسسىزدار سانى بٸر جىلدا 0,6 پايىزعا - 450 مىڭ ادامعا دەيٸن ازايعان. بٸر جىل بۇرىن بۇل كٶرسەتكٸش 2,6 پايىزعا ارتقان ەدٸ.
قالا مەن اۋىلداعى جۇمىسسىزدار اراسىندا ايتارلىقتاي ايىرماشىلىق بار. قالالارداعى جۇمىسسىزدىق دەڭگەيٸ جىل باسىندا 5 پايىز بولعان, ال اۋىلداردا جۇمىسسىزدىق بٸر جىلدا 4,8 پايىزدان 4,7 پايىزعا دەيٸن قىسقارعان.
ٶڭٸرلەر اراسىندا جۇمىسسىزدىق دەڭگەيٸ بويىنشا تٷركٸستان وبلىسى مەن الماتى كٶش باستاپ تۇر. بۇل ٶڭٸرلەردە - 5,1 پايىز. ولاردان كەيٸن شىمكەنت پەن باتىس قازاقستان وبلىسى تۇر. وندا - 5 پايىز.
جۇمىسسىزداردىڭ كٶپ بٶلٸگٸ الماتى مەن الماتى وبلىسىندا تۇرادى. بۇل ٶڭٸرلەردە جۇمىس ٸزدەپ جٷرگەندەر 100 مىڭنان اسادى.
