ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ القا مەجٸلٸسٸندە ۆەدومستۆو باسشىسى سەرٸك شەپكەنوۆ بىلتىرعى جۇمىسپەن قامتۋ سالاسىنداعى جاعدايدى باياندادى, دەپ حابارلايدى قازاقپارات.
مينيستر ٶز سٶزٸندە 2020 جىلى حالىقتى جۇمىسپەن قامتاماسىز ەتۋ ٷشٸن جەدەل شارالار كەشەنٸ دەر كەزٸندە قابىلدانعانىن اتاپ ٶتتٸ.
«649 مىڭ ادام «ەڭبەك» مەملەكەتتٸك باعدارلاماسىنىڭ قاتىسۋشىسى بولدى. ونىڭ ٸشٸندە جۇمىسسىز جاستار قاتىسۋشىلاردىڭ ٷشتەن بٸرٸنەن كٶبٸن قۇرايدى (32%) نەمەسە 211 مىڭ ادام, 277 مىڭى نەمەسە 43 پايىزى - ەيەلدەر. بارلىعى 437 مىڭ ادام, ونىڭ ٸشٸندە 319 مىڭ ادام نەمەسە 73 پايىزى تۇراقتى جۇمىسپەن قامتىلدى. 210 مىڭ ادام سۋبسيدييالانعان جۇمىسپەن قامتىلدى. وقۋمەن (قىسقا مەرزٸمدٸ كۋرستار, تەحنيكالىق-كەسٸبي بٸلٸم, «باستاۋ بيزنەس») 70 مىڭنان استام ادام قامتىلدى, ونىڭ ٸشٸندە «باستاۋ بيزنەس» جوباسى بويىنشا كەسٸپكەرلٸك نەگٸزدەرٸنە 33 مىڭنان استام ادام وقىتىلدى. جاڭا بيزنەس-يدەيالاردى جٷزەگە اسىرۋ ٷشٸن 12 700 جەڭٸلدەتٸلگەن ميكروكرەديت جەنە 44 900 قايتارىمسىز مەملەكەتتٸك گرانت بەرٸلدٸ. سونىڭ ٸشٸندە 1,4 مىڭ ميكروكرەديت كٶپبالالى جەنە تابىسى از وتباسىلارعا بەرٸلدٸ. ميكروكرەديت الۋشىلار قوسىمشا 13,7 مىڭ جۇمىس ورنىن قۇردى. 5,8 مىڭ ادام سولتٷستٸك ٶڭٸرلەرگە قونىس اۋداردى, ونىڭ ٸشٸندە جۇمىسپەن قامتۋدىڭ بەلسەندٸ شارالارىمەن ەڭبەككە جارامدى جاستاعى 2,5 مىڭ ادام (جۇمىسپەن قامتىلدى, بيزنەستٸ دامىتۋعا مٷمكٸندٸك الدى جەنە تاعى باسقا) قامتىلدى», – دەدٸ س. شەپكەنوۆ ەڭبەك مينيسترلٸگٸنٸڭ القا مەجٸلٸسٸندە.
ەڭبەكمينٸنٸڭ باسشىسى 2020 جىلى جۇمىسسىزدىقتىڭ ۋشىعۋ قاۋپٸن ازايتۋ ماقساتىندا داعدارىسقا قارسى جاڭا باعدارلاما – جۇمىسپەن قامتۋدىڭ جول كارتاسى قابىلدانعانىن جەنە ٸسكە اسىرىلعانىن دا ەسكە سالدى.
«جول كارتاسى 6,7 مىڭ ينفراقۇرىلىمدىق جوبانى ٸسكە اسىرۋ كەزٸندە تاعى 239 مىڭ ادامدى جۇمىسپەن قامتاماسىز ەتتٸ. دەگەنمەن, جەكە ٶڭٸرلەرگە قاتىستى مەسەلەلەر بار. بٸرٸنشٸدەن, جۇمىسپەن قامتۋدىڭ الماتى, باتىس قازاقستان, تٷركٸستان وبلىستارى مەن الماتى قالاسىندا جوسپارلانعان ينديكاتورىنا قول جەتكٸزٸلگەن جوق. ەكٸنشٸدەن, الماتى وبلىسىندا جوبالىق-سمەتالىق قۇجاتتاما ۇزاق ۋاقىتقا سوزىلعاندىقتان, 6 مەكتەپتٸڭ قۇرىلىسى باستالماعان. بيىل مۇنداي پروبلەمالار بولمايدى دەپ سەنەمٸن», – دەدٸ مينيستر.
بۇدان بٶلەك, باسقا مەملەكەتتٸك باعدارلامالار مەن جەكە باستامالاردى ٸسكە اسىرۋ اياسىندا 559 مىڭ جۇمىس ورنى قۇرىلدى, ونىڭ 386 مىڭى تۇراقتى.
جالپى, جىل قورىتىندىسىندا 1,4 ميلليوننان استام ادام جۇمىسپەن قامتۋ شارالارىمەن قامتىلدى, ونىڭ ٸشٸندە 783 مىڭ ادام تۇراقتى جۇمىسقا ورنالاستىرىلدى. 2020 جىلعى 4-توقسانداعى جۇمىسسىزدىق دەڭگەيٸ 4,9 پايىزدى قۇرادى.
