Eńbek jáne halyqty áleýmettik qorǵaý ministrliginiń alqa májilisinde vedomstvo basshysy Serik Shápkenov byltyrǵy jumyspen qamtý salasyndaǵy jaǵdaidy baiandady, dep habarlaidy QazAqparat.
Ministr óz sózinde 2020 jyly halyqty jumyspen qamtamasyz etý úshin jedel sharalar kesheni der kezinde qabyldanǵanyn atap ótti.
«649 myń adam «Eńbek» memlekettik baǵdarlamasynyń qatysýshysy boldy. Onyń ishinde jumyssyz jastar qatysýshylardyń úshten birinen kóbin quraidy (32%) nemese 211 myń adam, 277 myńy nemese 43 paiyzy - áielder. Barlyǵy 437 myń adam, onyń ishinde 319 myń adam nemese 73 paiyzy turaqty jumyspen qamtyldy. 210 myń adam sýbsidiialanǵan jumyspen qamtyldy. Oqýmen (qysqa merzimdi kýrstar, tehnikalyq-kásibi bilim, «Bastaý Biznes») 70 myńnan astam adam qamtyldy, onyń ishinde «Bastaý Biznes» jobasy boiynsha kásipkerlik negizderine 33 myńnan astam adam oqytyldy. Jańa biznes-ideialardy júzege asyrý úshin 12 700 jeńildetilgen mikrokredit jáne 44 900 qaitarymsyz memlekettik grant berildi. Sonyń ishinde 1,4 myń mikrokredit kópbalaly jáne tabysy az otbasylarǵa berildi. Mikrokredit alýshylar qosymsha 13,7 myń jumys ornyn qurdy. 5,8 myń adam soltústik óńirlerge qonys aýdardy, onyń ishinde jumyspen qamtýdyń belsendi sharalarymen eńbekke jaramdy jastaǵy 2,5 myń adam (jumyspen qamtyldy, biznesti damytýǵa múmkindik aldy jáne taǵy basqa) qamtyldy», – dedi S. Shápkenov Eńbek ministrliginiń alqa májilisinde.
Eńbekmininiń basshysy 2020 jyly jumyssyzdyqtyń ýshyǵý qaýpin azaitý maqsatynda daǵdarysqa qarsy jańa baǵdarlama – Jumyspen qamtýdyń jol kartasy qabyldanǵanyn jáne iske asyrylǵanyn da eske saldy.
«Jol kartasy 6,7 myń infraqurylymdyq jobany iske asyrý kezinde taǵy 239 myń adamdy jumyspen qamtamasyz etti. Degenmen, jeke óńirlerge qatysty máseleler bar. Birinshiden, jumyspen qamtýdyń Almaty, Batys Qazaqstan, Túrkistan oblystary men Almaty qalasynda josparlanǵan indikatoryna qol jetkizilgen joq. Ekinshiden, Almaty oblysynda jobalyq-smetalyq qujattama uzaq ýaqytqa sozylǵandyqtan, 6 mekteptiń qurylysy bastalmaǵan. Biyl mundai problemalar bolmaidy dep senemin», – dedi ministr.
Budan bólek, basqa memlekettik baǵdarlamalar men jeke bastamalardy iske asyrý aiasynda 559 myń jumys orny quryldy, onyń 386 myńy turaqty.
Jalpy, jyl qorytyndysynda 1,4 millionnan astam adam jumyspen qamtý sharalarymen qamtyldy, onyń ishinde 783 myń adam turaqty jumysqa ornalastyryldy. 2020 jylǵy 4-toqsandaǵy jumyssyzdyq deńgeii 4,9 paiyzdy qurady.
