جۇمىس بەرۋشٸلەرگە ىڭعايلى بولۋى ٷشٸن enbek.kz ەلەكتروندى ەڭبەك بيرجاسىندا مەملەكەتتٸك ورگانداردى «قىزمەتكەرلەردٸڭ قىسقارتىلاتىنى جايلى» حاباردار ەتەتٸن فۋنكتسيونال ٸسكە قوسىلدى. بۇل جٶنٸندە ەڭبەك رەسۋرستارىن دامىتۋ ورتالىعى حابارلادى.
قر «حالىقتى جۇمىسپەن قامتۋ تۋرالى» زاڭىنىڭ 28-بابىنا سەيكەس بارلىق ۇيىمداردىڭ كادرلىق بٶلٸمدەرٸ «قىزمەتكەرلەردٸ جۇمىستان بوساتاتىنى» تۋرالى اقپاراتتى جۇمىسپەن قامتۋ ورتالىقتارىنا الدىن الا بەرۋگە مٸندەتتٸ.
وسى ۋاقىتقا دەيٸن كادر بٶلٸمٸنٸڭ قىزمەتكەرلەرٸ ارنايى قاعاز قۇجاتتاردى تولتىرىپ, ونى ٶزدەرٸ بارىپ تاپسىرۋعا مەجبٷر بولاتىن.
ەندٸ بۇل رەسٸم بارىنشا جەڭٸلدەتٸلٸپ, جەدەلدەتٸلدٸ. جۇمىس بەرۋشٸ ەلەكتروندى ەڭبەك بيرجاسى پورتالىنداعى جەكە كابينەتٸندە قىزمەتكەرلەردٸڭ سانىن, ولاردىڭ جالاقى مٶلشەرٸن, لاۋازىمىن, ماماندىقتارىن, بٸلٸكتٸلٸگٸن, جۇمىستان شىعۋ سەبەپتەرٸن, سونداي-اق بوساتىلاتىن مەرزٸمدٸ كٶرسەتە وتىرىپ «الداعى ۋاقىتتا قىزمەتكەرلەردٸ قىسقارتاتىنى» تۋرالى مەلٸمەتتەردٸ تولتىرا الادى.
قىزمەتكەرلەردٸ قىسقارتۋ تۋرالى دەرەكتەردٸ بەرۋدٸ اۆتوماتتاندىرۋ – جۇمىسسىز قالعان ازاماتتارعا ۋاقتىلى جاڭا جۇمىس ورىندارىن تابۋعا سەپتٸگٸن تيگٸزەدٸ.
