قۇرىلىس سالۋشىلار كومپانييا برەندٸن باسپانالاردى جارنامالاۋ ٷشٸن پايدالانۋدا. بۇل تۋرالى ٷكٸمەت وتىرىسىندا قر بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين ايتتى, دەپ حابارلايدى قازاقپارات.
«تانىمال قۇرىلىس سالۋشىلار كومپانييانىڭ برەندٸن الىپ, قۇرىلىستى جٷزەگە اسىرماي, نىساندى جارنامالاۋ ٷشٸن پايدالانادى. تۇرعىن ٷيدٸ سالۋ جەنە ساتۋ پروتسەسٸن قۇرىلىس سالۋشىنىڭ ۋەكٸلەتتٸ كومپانييالارى بولىپ تابىلمايتىن ٷشٸنشٸ تۇلعالار جٷزەگە اسىرادى. بۇل نىساننىڭ قۇرىلىسى ٷشٸن جاۋاپكەرشٸلٸكتەن, سونداي-اق مونوپوليياعا قارسى جەنە سالىقتىق باقىلاۋدان كەتۋگە جول اشادى», - دەدٸ اگەنتتٸك تٶراعاسى.
ونىڭ اتاپ ٶتۋٸنشە, قۇرىلىس سالۋشىلارمەن زاڭدى بايلانىسى جوق ۇيىمدار ساتقان پەتەرلەردٸ ساتىپ الۋشىلار قۇقىقتىق كەپٸلدٸكسٸز قالۋدا. بۇل تۇرعىن ٷي ساپاسىنا جەنە نىسانداردى تاپسىرۋ مەرزٸمٸنە قاتىستى جاپپاي شاعىمداردىڭ كٶبەيۋٸنە سەبەپ بولىپ وتىر.
«كەلٸسٸمشارتتىڭ نەگٸزسٸز شارتتارىن مٸندەتتەۋ تەجٸريبەسٸ كەڭٸنەن تارالۋدا. بۇل - قۇرىلىس سالۋشىلارمەن, ٷلەستەس باسقارۋشى كومپانييالارمەن, بايلانىس, ينتەرنەت قىزمەتتەرٸ, كابەلدٸك تەلەديدار وپەراتورلارىمەن كەلٸسٸمشارت جاساسۋ, پاركينگ ساتىپ الۋ بويىنشا تالاپتار. وسىلايشا, مونوپولييالىق قۇرىلىس نارىعى كٶرشٸلەس نارىقتارداعى بەسەكەلەستٸكتٸ شەكتەيدٸ», - دەپ اتاپ ٶتتٸ سەرٸك جۇمانعارين.
