عاسىرعا جۋىق تاريحى بار ەلٸمٸزدٸڭ باس ەدەبي باسىلىمدارىنىڭ بٸرٸ - "جۇلدىز" جۋرنالىندا رەبرەندينگ بولدى, دەپ حابارلايدى "ۇلت اقپارات" قجو باسقارما تٶراعاسىنىڭ بٸرٸنشٸ ورىنباسارى اقبەرەن ەلگەزەككە سٸلتەمە جاساپ. بۇل اقپاراتتى بەلگٸلٸ اقىن فەيسبۋكتاعى پاراقشاسىندا بٶلٸستٸ.
«جۇلدىز» جۋرنالىنىڭ اتاۋى لاتىن قارپٸنە كٶشتٸ. 2018 جىلعى №6 سانىنان باستاپ جۋرنالدىڭ اتاۋى لاتىن قارپٸمەن باسىلىپ, جاڭا لوگوتيپپەن جەنە جاڭا ديزاينمەن شىعىپ جاتىر. بۇل رەبرەندينگ تەك لوگوتيپ پەن ديزاينعا عانا قاتىستى ەمەس, مازمۇندىق, تاقىرىپتىق تۇرعىدان دا جاڭارادى دەگەن سٶز.قازاقستان جازۋشىلار وداعىنا قاراستى 90 جىلدىق تاريحى بار جۋرنالدىڭ قازاق مەدەنيەتٸ مەن ەدەبيەتٸنە, ٶنەرٸنە سٸڭٸرگەن ەڭبەگٸ ٶلشەۋسٸز. «جۇلدىز» جۋرنالى قازاق پۋبليتسيستيكاسىنىڭ باستاۋىندا تۇرعان «شولپان», «تاڭ» جۋرنالدارىنىڭ ٸزباسارى. ەر جىلدارى «جاڭا ەدەبيەت», «جىل قۇسى», «ەدەبيەت مايدانى», «مايدان», «ەدەبيەت جەنە يسكۋسستۆو» دەگەن اتاۋلارمەن شىعىپ تۇرعان.
جۋرنالدىڭ العاشقى رەداكتورى قازاقتىڭ بٸرتۋار اقىنى سەكەن سەيفۋللين بولعان. ساپالى ەرٸ مازمۇندى باسىلىم دەڭگەيٸنە كٶتەرٸلۋٸنە قازاق ەدەبيەتٸنٸڭ كلاسسيكتەرٸ ب.مايلين, ٸ.جانسٷگٸروۆ, م.ەۋەزوۆ, س.مۇقانوۆ, م.ماعاۋين جەنە ت.ب. قالامگەرلەر كٶپ ەڭبەك سٸڭٸرگەن.
بٸر عاسىرعا جۋىق ۋاقىتتان بەرٸ ەدەبيەتٸمٸزدٸڭ شەجٸرەشٸسٸنە اينالعان «جۇلدىز» ەندٸ مٸنە, جاڭاشا ديزاينعا, جاڭاشا مازمۇنعا كٶشٸپ رۋحاني جاڭارا تٷستٸ. باق-نىڭ ٸشٸندە العاشقىلارىنىڭ بٸرٸ بولىپ لاتىن قارپٸنە كٶشۋدٸ باستاعانىنىڭ ٶزٸ قوعامنىڭ دامۋ ٷدەرٸسٸن ٷنەمٸ باقىلاۋدا ۇستاپ, جاس بۋىنعا ٶنەگە كٶرسەتە الاتىن جۋرنال ەكەندٸگٸنٸڭ كٶرٸنٸسٸ.
اي سايىن مازمۇندى ماقالالار مەن شۇرايلى كٶركەم تۋىندىلاردى وقىپ وتىرعىلارىڭىز كەلسە, بارشاڭىزدى «Juldyz» جۋرنالىنا جازىلۋعا شاقىرامىز!" – دەيدٸ اقبەرەن ەلگەزەك ٶز جازباسىندا.
ۇلت پورتالى كەلبەتٸ مەن مازمۇنى جاڭارعان قابىرعالى باسىلىم ۇجىمىنىڭ الداعى جۇمىستارىنا سەتتٸلٸك ھەم شىعارماشىلىق شابىت تٸلەيدٸ!
