بيىل «جوشى حان» تاريحي-مەدەني ورتالىعىنىڭ قۇرىلىسى اياقتالادى. بۇل تۋرالى قر مەدەنيەت جەنە سپورت مينيسترلٸگٸ تۋريزم يندۋستريياسى كوميتەتٸنٸڭ تٶراعاسى داستان رىسبەكوۆ ايتتى, دەپ حابارلايدى قازاقپارات.
«بيىل ول ورتالىقتا قارقىندى جۇمىس جٷرگٸزٸلەدٸ. اتاپ ايتقاندا, جوشى حان مەن الاشا حان ماۆزولەيلەرٸن عىلىمي-رەستاۆراتسييالاۋ جۇمىستارى, ۇلىتاۋ مۋزەيٸ ۇلتتىق قورىعىنداعى ساپار ورتالىعىنىڭ قۇرىلىسى, تاريحي-ايماقتىق مۋزەي قۇرىلىسى جەنە اۋدانى 800 شارشى مەتر بولاتىن «جوشى حان» تاريحي-مەدەني ورتالىعىنىڭ قۇرىلىسى اياقتالادى», - دەدٸ داستان رىسبەكوۆ ورتالىق كوممۋنيكاتسييالار الاڭىندا ٶتكەن بريفينگ بارىسىندا.
بۇعان دەيٸن كوميتەت تٶراعاسى بيىل ەلٸمٸزدە ٸشكٸ تۋريزمگە قىزىعۋشىلىق ارتاتىنىن ايتقان ەدٸ.
«بيىل ٸشكٸ تۋريزم سالاسىندا ٷلكەن سۇرانىس بار ەكەندٸگٸن بايقاپ وتىرمىز. جالپى باعىتتار ٶزگەرە قويمايدى. ولار: الاكٶل, بۋراباي, كاسپيي, قاپشاعاي, الماتىنىڭ تاۋلى كلاستەرٸ. بۇعان قوسا باياناۋىل مەن شالقار, يمانتاۋ كۋرورتتىق ايماقتارىنا قىزىعۋشىلىق ارتىپ كەلەدٸ. تٷركٸستان, تاراز باعىتىندا تاريحي-مەدەني تۋريزمگە دە ايرىقشا قىزىعۋشىلىق بايقالادى. ۇلىتاۋدىڭ دا ەلەۋەتٸ ارتىپ كەلەدٸ», - دەگەن ەدٸ ول.
