الماتى وبلىسىنداعى جوڭعار الاتاۋى مەملەكەتتٸك ۇلتتىق تابيعي پاركٸنٸڭ اۋماعى 200 مىڭ گەكتارعا كەڭەيمەك. قازٸردٸڭ ٶزٸندە پارك 360 مىڭ گەكتارعا جۋىق, دەپ حابارلايدى "ۇلت اقپارات".
ون جىل بۇرىن اشىلعان ۇلتتىق پاركتە قازٸر سٷتقورەكتٸلەردٸڭ - 49, قۇستىڭ 170 تٷرٸ انىقتالعان. 7 سٷتقورەكتٸ جانۋار قازاقستاننىڭ قىزىل كٸتابىنا ەنگەن. ولاردىڭ قاتارىندا قار بارىسى, تيان-شان قوڭىر ايۋى, تٷركٸستان سٸلەۋسٸنٸ بار. پارك قىزمەتكەرلەرٸ جۋىردا قار بارىسىن كٸشٸ باسقان ٶزەنٸ اعاتىن شاتقالدىڭ تٶمەنگٸ جاعىنان كٶرٸپ قالعان. وسى كٸشٸ باسقان كاردونىنىڭ ينسپەكتورى كەرٸم سەتباەۆتىڭ ايتۋىنشا, تٷز تاعىلارىن تەك فوتوتۇزاقتان عانا ەمەس, ٶز كٶزٸمەن دە جيٸ باقىلايتىن بولىپ جٷر.
«سٷتقورەكتٸلەر باعىتى بويىنشا تەك قانا بارىس, تٷركٸستان سٸلەۋسٸنٸ عانا ەمەس, مارال, ەلٸك, تيان-شان قوڭىر ايۋى, تاس سۋسارى, تاۋەشكٸلەردٸڭ قانشاما فوتوتۇزاققا تٷسكەن سەتتەرٸ بار. ولاردىڭ بارلىعى عىلىمي-اقپارات مونيتورينگ بٶلٸمٸ ٷشٸن عانا ەمەس, جوڭعار الاتۋى ٷشٸن ٷلكەن جەتٸستٸك بولىپ سانالادى»,- دەيدٸ فوتوتۇزاقتاردى قۇراتىن پاركتٸڭ عىلىمي قىزمەتكەرٸ جاناربەك مولداحان.
بيىل پارك قىزمەتكەرلەرٸ تۋريستٸك باعىتتار سانىن 13-كە جەتكٸزگەن. ولاردىڭ ٸشٸندەگٸ ەڭ تانىمالى جاسىلكٶل مەن شۋمسكيي شىڭى. سونداي-اق جاڭادان «ات تاپقان» جەنە «جامانتاس» دەگەن باعىتتار اشىلدى.
پارك باسشىسى مارات قابيەۆتىڭ ايتۋىنشا, بولاشاقتا ەرەكشە قورعالاتىن اۋماق 200 مىڭ گەكتارعا دەيٸن كەڭەيەدٸ. بۇل ٶز كەزەگٸندە پاركتٸ مەكەندەيتٸن قۇستار مەن جانۋارلار قورىن ەسەلەپ, ونداعى ٶسٸمدٸكتەر ەلەمٸن ساقتاپ قالۋعا مٷمكٸندٸك بەرمەك.
