ەل بويىنشا ٷكٸمەتٸك ەمەس ۇيىمدار اراسىندا سانى جەنە ساپاسى جاعىنان الدىڭعى ورىندا تۇرعان شىعىس قازاقستان وبلىسى ەكسرەميزمنٸڭ الدىن الۋدا دا ٷەۇ مٷشەلەرٸمەن بٸرلەسە جۇمىس جاساماق. بۇل جايلى شقو-دا ٶتكەن ٷەۇ فورۋمى بارىسىندا وبلىس باسشىسىنىڭ ورىنباسارى جاقسىلىق ومار مەلٸمدەدٸ.
ايماقتا ٶتكەن فورۋم بارىسىندا وبلىستاعى ٷكٸمەتٸك ەمەس ۇيىمدار 25 جىلدا اتقارعان جۇمىستارىنىڭ كٶرسەتكٸشتەرٸمەن بٶلٸسە وتىرىپ, العا قويعان ماقساتتارىن دا ايتىپ ٶتتٸ.
– قازٸردٸڭ ٶزٸندە شىعىس قازاقستان ٷەۇ سانى, اتقارعان جۇمىس ساپاسى بويىنشا الدىڭعى ورىندا تۇر. كەلەر جىلى ەكسپو-2017 كٶرمەسٸ ٶتەدٸ. وسى ورايدا بٸز ٷەۇ ارقىلى كٶرمەنٸڭ ماڭىزى مەن تيٸمدٸلٸگٸ جايلى اقپاراتتى تۇرعىندارعا جەتكٸزۋدٸ كٶزدەپ وتىرمىز. سونداي-اق, دٸني ەكسترەميزممەن كٷرەستە, حالىق اراسىندا بەيبٸتشٸلٸك پەن ىنتىماقتاستىقتى نىعايتۋدا دا ٷەۇ بٸرلەسە جۇمىس اتقارماقپىز, – دەدٸ جاقسىلىق ومار.
سونىمەن قاتار, شقو مەسليحاتىنىڭ دەپۋتاتى, وبلىستىق ازاماتتىق اليانس تٶراعاسى ولەگ چەرنىشوۆتىڭ ايتۋىنشا, اتقارۋشى بيلٸك پەن ٷكٸمەتتٸك ەمەس سەكتور اراسىنداعى بايلانىس تٷرلٸ سالادا نىعايىپ كەلەدٸ.
– 1990 جىلدان بەرٸ وبلىستا ٷەۇ جەرگٸلٸكتٸ اتقارۋشى بيلٸكپەن تىعىز جۇمىس ٸستەپ, دەنساۋلىق, تٷكش سىندى سالالاردا ٶزەكتٸ مەسەلەلەردٸڭ الدىن الدى. بٷگٸندە مەملەكەتتٸك مەكەمە مەن ٷكٸمەتتٸك ەمەس سەكتور جۇمىس قارقىنىن جاڭا دەڭگەيگە كٶتەرٸپ, ەلەۋمەتتٸك مەسەلەلەردٸڭ شەشٸمٸن تابۋدا جاڭا جوبالاردى قۇرۋدا, – دەدٸ ولەگ چەرنىشوۆ.
فورۋم سوڭىندا رەسپۋبليكالىق ازاماتتىق كەڭەس فورۋمىندا شقو اتىنان باراتىن دەلەگاتتاردىڭ تٸزٸمٸ جارييالاندى. سونداي-اق, 25 جىلدا جۇمىس كٶرسەتكٸشٸ بويىنشا جوعارى جەتٸستٸككە جەتكەن ٷەۇ باسشىلارى ماراپاتتالدى.
