كاتونقاراعاي – زىريان باعىتىنداعى تاۋ جولدارى - بۇرىن-سوڭدى ونداي جولمەن جٷرٸپ كٶرمەگەن جٷرگٸزۋشٸ ٷشٸن دە, جولاۋشىلار ٷشٸن دە ەرٸ تاڭسىق, سونىمەن قاتار, اسا قاۋٸپتٸ ايماق. قاۋٸپتٸ دەيتٸن سەبەبٸمٸز, بٸر كەزدەرٸ تاۋ-تاستىڭ اراسىن بۇزىپ-جارىپ سالعان اسۋلار سەت سايىن جالت بۇرىلا ساپ, جالاما جارتاستاردى جانامالاي ٶتٸپ, يرەلەڭدەگەن قالپى جوعارى ٶرلەي بەرەدٸ, ٶرلەي بەرەدٸ.
ٶرلەگەن سايىن ساي تابانىندا قالىپ بارا جاتقان قويتاستار كٶز الدىڭدا كٸشكەنتاي عانا نوقاتقا اينالىپ, ادام بويىنا ەلدەبٸر ٷرەي ۇيالاتادى. بۇلتارىس-قالتارىسى جيٸ ۇشىراساتىن تۇستاردا قارسى كەپ قالاتىن كٶلٸكتەردٸڭ دە قيمىل-ەرەكەتتەرٸ شالت. ونداي وقىس بۇرىلىستاردا جىلدامدىقتى باياۋلاتىڭقىراپ جٷرمەسەڭ, شاتقالدان ۇشىپ كەتۋٸڭ عاجاپ ەمەس. ال ابايلاپ جٷرەمٸن دەپ جىلدامدىعىڭدى ازايتىپ الساڭ, تٸك ٶرلەرگە كەلگەندە كٶلٸگٸڭنٸڭ تارتپاي قالاتىنى جەنە بار. مۇنداي قاۋٸپتٸ جولداردا كەلە جاتىپ, وقىس جاعداي ورىن الا قالسا, قاجەت جەردە توقتاي قالۋى دا, جالت بۇرىلىپ ەپتٸ قوزعالىس جاساپ كەتۋٸ دە ونشا قيىندىق تۋدىرا قويمايتىن جەڭٸل كٶلٸكتەردٸڭ جاراسى دا جەڭٸلٸرەك. ال ەندٸ پەلەن توننا جٷك تيەپ اپ, اينالاسىن كٶك تٷتٸنگە كٶمٸپ, ىڭىرانىپ زورعا كەلە جاتاتىن جٷك كٶلٸكتەرٸمەن جول بٶلٸسۋ – كەز كەلگەن تەجٸريبەلٸ جٷرگٸزۋشٸڭنٸڭ ٶزٸنە سىننىڭ – سىنى. كٶكتەم, كٷز ايلارى مەن قىس مەزگٸلٸندەگٸ بۇل جەرمەن جٷرۋدٸڭ بەينەتٸ مەن قاۋٸپتٸلٸگٸ – بٶلەك ەڭگٸمە. بۇل اسۋدى جەرگٸلٸكتٸ جۇرت اينالاسى سىڭسىعان سامىرسىن مەن كٶك تەرەك, تۇتاسا ٶسكەن قالىڭ قاراعاي مەن اق قايىڭ كٶمكەرٸپ تۇرعاسىن با, ەيتەۋٸر, «وسينوۆىي پەرەۆال» اتاپ كەتكەن.
مٸنە, وسى بٸر ادام ٶمٸرٸنە قاۋٸپتٸ دە, قاتەرلٸ جولدان بٸر ەمەس, بٸر اۆتوبۋس جولاۋشىنى كٷنٸنە ارى-بەرٸ بٸرنەشە مەرتە امان الىپ ٶتۋ – سەرەبريانسك قالاسىنداعى بوريس ليتۆينوۆ باسقارىپ وتىرعان جولاۋشىلاردى تاسىمالدايتىن اۆتوبۋس پاركٸنٸڭ موينىنا جٷكتەلگەن.
جاڭالىققا جانى قۇمار جاس بۋىن
ەڭگٸمەمٸزدٸ ەرٸرەكتەن باستاساق, 1984 جىلى سول كەزدەگٸ باسشىلىقتىڭ شەشٸمٸمەن سەرەبريانسك قالاسىنان جاڭا (اۆتوكٶلٸك مەكەمەسٸ) اتپ اشۋ جوسپارلانىپ, ونى باسقارۋ بۇقتىرما اتپ-سىندا جۇمىس ٸستەپ جٷرگەن الەكساندر ليتۆينوۆقا جٷكتەلەدٸ. بٷگٸنگٸ كٷندە الەكساندر زەينەت دەمالىسىندا. اقساقالدىڭ ايتۋىنا قاراعاندا, قازٸرگٸ اتپ-نىڭ تۇرعان ورنى ول كەزدە ميداي جازىق, قۋ مەكيەن دالا بولعان كٶرٸنەدٸ. 90-جىلدارداعى اتىشۋلى جەكەشەلەندٸرۋ ناۋقانى باستالىپ كەپ كەتكەندە, ەلەكەڭ بارلىق كٷش-جٸگەرٸ مەن جيعان-تەرگەن تەجٸريبەسٸنە سٷيەنە وتىرىپ, وسى مەكەمەنٸڭ دٷنيە-مٷلكٸنٸڭ تالان-تاراجعا تٷسۋٸنە جول بەرمەي, ايتىسىپ-تارتىسىپ جٷرٸپ امان ساقتاپ قالىپتى. كەيٸن ۋاقىت تالابىنا ساي, زاڭدى جولمەن جشس ەتٸپ تٸركەتكەن كٶرٸنەدٸ.
- ٶزٸم مۇندا كەلگەنگە دەيٸن توعىز جىل سەرەبريانسكٸنٸڭ ورگانيكالىق ەمەس ٶنٸمدەر زاۋىتىندا جۇمىس ٸستەدٸم. 2011 جىلى زاۋىت توقتايتىن بوپ, جۇمىسشىلارىن قىسقارتا باستادى. امال جوق, وسى مەكەمەگە كەلدٸم. العاشقى ٷش جىلدا ديرەكتوردىڭ ورىنباسارى بولىپ جۇمىس ٸستەي باستادىم. وسى ۋاقىت ارالىعىندا مەكەمەنٸڭ تىنىس-تٸرشٸلٸگٸمەن, جۇمىس ٸستەۋ باعىتىمەن, ۇجىممەن, قۇجاتتارمەن تانىسىپ-بٸلٸسٸپ, ەكەمنٸڭ تٸكەلەي تەجٸريبە سىناعىنان ٶتتٸم دەسەم بولادى. ەكەي زەينەت دەمالىسىنا شىققاسىن, ورنىن مەن باستىم, – دەيدٸ مەكەمەنٸڭ بٷگٸنگٸ باسشىسى بوريس ليتۆينوۆ.
وسى ۋاقىتقا دەيٸنگٸ كٶرگەن-بٸلگەندەرٸن سارالاپ, سالماقتاعان جاس ديرەكتور مەكەمەگە جاڭاشا جۇمىس قارقىنىن ەكەلۋدٸ ويلايدى. بٸراق, قالاي? ول قارقىندى نەدەن باستاعان جٶن? مەكەمەدەگٸ تەحنيكا بولسا بارلىعى كەشەگٸ كەڭەس زامانىنان قالعان, ەسكٸ-قۇسقى. بٸر اپتا جٷرسە, ەكٸ اپتا تۇراتىندارى بار. ەنە جەرٸن جٶندەتسە, مىنا جەرٸنەن بٸر كٸلتيپان شىعىپ جاتادى. سودان مۇنداي توزىعى جەتكەن تەحنيكامەن ۇزاققا بارماسىن باعامداعان بوريس بانكتەردٸڭ بٸرٸنەن نەسيە رەسٸمدەپ, جاڭا تەحنيكا الۋدى كٶزدەيدٸ. بۇل ويىن جەرگٸلٸكتٸ ەكٸمدٸكتەگٸلەر دە, ۇجىمداعىلار دا قىزۋ قولدايدى.
- نە نەرسەنٸ اۋىزبەن ايتا سالعان جەڭٸل عوي. جەمە-جەمگە كەلگەندە بانكتەردٸڭ تالابى, قويعان شارتتارى بٸرقاتار قيىندىقتار تۋدىرعانى راس, – دەيدٸ مەكەمە باسشىسى. – دەگەنمەن, قانداي قيىندىقتار كەدەرگٸ بولسا دا, تىعىرىقتان شىعارار جولدارىن تاۋىپ, العا قويعان ماقساتتارىمىزدىڭ بٸرازىنا قول جەتكٸزدٸك دەپ ويلايمىن. جولاۋشىلارعا ساپالى قىزمەت كٶرسەتۋ ماقساتىندا رەسەيدەن بٸرنەشە جاڭا اۆتوبۋستار ساتىپ الدىق. سوسىن, بٸزدٸڭ جولدار تاۋ اراسىندا بولعاندىقتان, ەسٸرەسە كٶكتەم, كٷز, قىس مەزگٸلدەرٸندە جول جٷرۋ تٸپتەن قيىنداي تٷسەدٸ. سوندىقتان جاڭا اۆتوبۋستاردى كٷتٸپ ۇستايتىن ەرٸ تاۋ جولدارىندا جٷرٸپ-تۇرىپ ٷيرەنگەن تەجٸريبەلٸ جٷرگٸزۋشٸلەر كەرەك بولدى. مۇنىڭ بەرٸ بٸرٸنشٸ كەزەكتە – جولاۋشىلاردىڭ قاۋٸپسٸزدٸگٸنە تٸكەلەي قاتىستى.
«ەسكٸنٸ قۇراپ تالاي جىل ەسٸمٸز شىققان...»
وسىلايشا ٷلكەن جوسپاردىڭ العاشقى بٸر بٶلٸگٸن جولعا قويىپ العان ۇجىم جەرلەستەرٸنٸڭ دە, جەرگٸلٸكتٸ باسشىلىقتىڭ دا بٸرتە-بٸرتە سەنٸمٸنە ەنە باستايدى. وسى جەردە ايتا كەتەرلٸك بٸر گەپ بار. ٶز ٸسٸنە قۇلشىنا كٸرٸسكەن جاس ەرٸ جٸگەرلٸ باسشىنىڭ «حالىققا ساپالى قىزمەت كٶرسەتۋ ٷشٸن جاڭا كٶلٸكتەر الۋ كەرەك!» دەگەن تٷبەگەيلٸ شەشٸمگە كەلۋٸنە جەرگٸلٸكتٸ تاكسيستەردٸڭ دە ەسٸرە بەلسەندٸلٸكتەرٸ مەن كٶپ جەرلەردە كٶرسەتٸپ جٷرەتٸن وزبىرلىقتارى تٷرتكٸ بولعان سەكٸلدٸ. ولاي دەيتٸنٸمٸز, قازٸر «ەرٸنبەگەن ەتٸكشٸ بولادى», دەمەكشٸ, استىندا جٷرٸپ تۇرعان جەكەمەنشٸك كٶلٸگٸ بار كەز كەلگەن ادام اندا-مۇندا كٸسٸ تاسىپ, نەپاقا تابۋدى ەدەتكە اينالدىرىپ العان. راحات سولاردٸكٸ. ەرتەڭگٸلٸك جۇمىستان كەشٸگەم دەپ ۋايىمدامايدى. قالاعان ۋاقىتىندا تۇرىپ, قالاعان جەرٸنە بارادى دا, قالاعان ادامدارىن سالىپ اپ, زىر ەتكٸزٸپ اندا اپارىپ, زىر ەتكٸزٸپ مۇندا ەكەلٸپ تاستاي سالادى, بولدى. تٷسكەن تٷسٸم قالتادا. ال ولاردىڭ كٶلٸكتەرٸنٸڭ قانشالىقتى قاۋٸپسٸز ەكەندٸگٸندە, تەحنيكالىق بايقاۋدان ۋاقتىلى ٶتتٸ مە, ٶتكەن جوق پا, ەشكٸمنٸڭ شارۋاسى جوق. ينسپەكتور دەگەن نە, تەيٸرٸ? ول دا بٸرەۋدٸڭ تۋىسى, ەيتپەسە, بەلەنشەكەڭنٸڭ قۇداسى, تٸپتٸ بولماسا, ەرٸ-بەرٸدەن سوڭ ول دا ادام بالاسى. اسىراپ وتىرعان قاتىن-بالاسى بار دەگەندەي. قاجەتتٸ تيىن-تەبەنٸن رەتٸن تاۋىپ بەرٸپ قويساڭ بولدى. ەنە ساعان قۇجات تا, تەحنيكالىق بايقاۋ دا, ساقتاندىرۋ پوليسٸ دە. نە ولارعا زاڭمەن تىيىم سالا المايسىڭ. وسىنداي زاڭدى-زاڭسىز بەسەكەلەستٸكتٸڭ جولىن كەسۋ ماقساتىندا رەسەيدٸڭ نيجنيي نوۆگورود قالاسىندا قۇراستىرىلىپ شىعارىلعان 20 كٸسٸلٸك ٷش «مەرسەدەس» شاعىن اۆتوبۋسىن ساتىپ ەكەلٸپتٸ. قازٸر ولار كٷنٸنە ٷش مەرتە سەرەبريانسك - ٶسكەمەن باعىتىنا قاتىناپ كٸسٸ تاسۋمەن اينالىسادى. بوريستٸڭ ايتۋىنا قاراعاندا, ٷش اۆتوبۋس ٶتكەن جىلعى باعامەن 5 ملن. 700 مىڭ تەڭگەگە تٷسكەن ەكەن. قازٸر ەلەكتروندى تەحنيكانىڭ قارىشتاپ دامىعان كەزەڭٸ ەمەس پە. بٸر عاجابى, ەلگٸ اۆتوبۋستاردىڭ ٷشەۋٸنە دە ارنايى «چيپ» ورناتىلعان. سوندىقتان ولاردىڭ ٶسكەمەنگە بارىپ كەلگەنگە دەيٸنگٸ جٷرٸپ تۇرعاندارى, قاي جەردە قانشا جىلدامدىقپەن كەتٸپ بارا جاتقانى نەمەسە كەلە جاتقاندارى, قاي جەردە نەشە رەت توقتاعانى - بەرٸ-بەرٸ مەكەمە باستىعىنىڭ الدىنداعى كومپيۋتەر ەكرانىنان كٶرسەتٸلٸپ تۇرادى ەكەن. ٶسكەمەننەن بٶلەك زىريان قالاسى مەن وكتيابر پوسەلكەسٸنە قاتىنايتىن جولاۋشىلار دا, سونداي-اق, سەرەبريانسك قالاسىنىڭ ٸشٸندەگٸ جولاۋشىلار تاسىمالى دا وسى مەكەمەنٸڭ جاۋاپكەرشٸلٸگٸندە.
زارلىحان جەپاەۆ – جاڭادان ەكەلگەن «مەرسەدەس» شاعىن اۆتوبۋستارىنىڭ بٸرٸنٸڭ جٷرگٸزۋشٸسٸ ەكەن. ديرەكتوردىڭ ايتۋىنشا, وسى اۆتوپاركتە ۇزاق جىلداردان بەرٸ ەڭبەك ەتٸپ كەلە جاتقان, ەڭ تەجٸريبەلٸ ەڭبەك وزاتى. 35 جىلدان بەرٸ كٶلٸك جٷرگٸزەدٸ. – باسشىلىق ۇزاق جىلعى ەڭبەگٸم مەن تەجٸريبەمدٸ ەسكەرگەن بولۋى كەرەك, ەكەلگەن بەتتە وسى اۆتوبۋستاردىڭ بٸرٸن ماعان سەنٸپ تاپسىردى. جاڭانىڭ اتى جاڭا عوي. ونىڭ ٷستٸنە شەتەلدٸك بولسا. جازدا سالقىن, قىستا جىلى. جولاۋشىلارعا دا جايلى, ٸشٸ كەڭ. بۇرىنعى ەسكٸ اۆتوبۋستارعا سوڭعى كەزدەرٸ جۇرت نارازىلىق بٸلدٸرٸپ, اقىرى وتىرماۋعا اينالعان. ٶيتكەنٸ ٸشٸ ماي ساسىپ, تٷتٸندەپ, ٶرگە قاراي دۇرىس تارتپاي, نەشە رەت جولدا دا قاپ قويعانىمىز بار. ال جازدا كەرٸسٸنشە ٸشٸ جانىپ كەتسە, قىستا پەشٸ دۇرىس جۇمىس ٸستەمەگەسٸن ٸشٸ اڭىراپ كەتەتٸن. سٶيتٸپ يتشٸلەپ جٷرگەندە وسى كٶلٸكتەردٸ ەكەلٸپ, كٶزٸمٸز اشىلعان جوق پا. «ەسكٸنٸ قۇراساڭ, ەسٸڭ شىعادى» دەۋشٸ مە ەدٸ? بٸر جەرٸن جٶندەسەڭ, بٸر جەرٸ دايىن تۇرادى. كەشكٸسٸن ٷيگە بارعاندا دا ادام قۇساپ دەمالۋدىڭ ورنىنا: «ەرتەڭ انا جەرٸن جٶندەۋ كەرەك, مىنا جەرٸن كٶرسەتۋ كەرەك, انانداي بٶلشەك كەرەك ەدٸ» دەپ, باسىڭدى قاتىرىپ كەپ وتىرعانىڭ. نە ولار ايازدى كٷندەرٸ دۇرىس وتالماي, يت قىلاتىنىن قايتەرسٸڭ. ال مىنالار راحات. كەلدٸڭ, وتالدىردىڭ, كەتتٸڭ. قازٸر جۇرت وسى اۆتوبۋستار كەلگەلٸ تاكسيگە وتىرعاندى ازايتتى. «تار ماشينادا سىعىلىسىپ, ٶزٸڭدٸ جايسىز سەزٸنٸپ بارعانشا, كەڭ ەرٸ جايلى جاڭا اۆتوبۋسپەن جٷرگەن اناعۇرلىم ىڭعايلى» دەيدٸ. باعاسى دا اسا قىمبات ەمەس. بٸر ادامعا بار بولعانى 850-اق تەڭگە. ال جەتٸ جاسقا دەيٸنگٸ بالالارعا جول اقىسى تەگٸن بولسا, ون بەس جاسقا دەيٸنگٸلەر جارتى باعاسىن تٶلەپ-اق, بارار جەرٸنە بارا الادى, – دەيدٸ كەنٸگٸ جٷرگٸزۋشٸ زارلىحان.
«سوڭعى اۆتوبۋس ساپاردان ورالعانشا الاڭمىن...»
«جاڭا اۆتوبۋستارمەن كٸسٸ تاسىپ, بيزنەس جاساعان وڭاي بولار» دەپ ويلاساق, وڭباي قاتەلەسەدٸ ەكەنبٸز. مەكەمە باسشىسىنىڭ ايتۋىنا قاراعاندا, ول اۆتوبۋستاردىڭ جىل سايىنعى تەحنيكالىق بايقاۋى, جول-ترانسپورتتىق سالىعى مەن ساقتاندىرۋىن ايتپاعاندا, قىسقى-جازعى رەزينالارى مەن مايىن ت.ب. قاجەتتٸ بٶلشەكتەرٸن ۋاقىتىندا اۋىستىرىپ وتىرۋ دا اسا ماڭىزدى كٶرٸنەدٸ. بۇعان اي سايىن تٶلەپ تۇراتىن نەسيە قوسىلعاندا ەجەپتۋٸر شىعىن شىعاتىن سەكٸلدٸ.
- بٷگٸنگٸ كٷنٸ ەسكٸسٸ مەن جاڭاسىن قوسقاندا 24 بٸرلٸك تەحنيكامىز بار. قالا بويىنشا تاڭعى ساعات جەتٸدەن, كەشكٸ جەتٸگە دەيٸن ەكٸ مارشرۋتتى اۆتوبۋس جٷرەدٸ. ەسٸرەسە جۇمىس كٷندەرٸ تاڭەرتەڭگٸلٸك جولاۋشىلار كٶپ. بۇرىن وسىنداعى زاۆودتار جۇمىس ٸستەپ تۇرعاندا تٸپتەن كٶپ بولۋشى ەدٸ. قازٸر زاۆودتار توقتاعان. جۇمىسشىلارىن قىسقارتىپ تاستاعان. بٸزدٸڭ بيزنەسٸمٸزگە بۇل ايتارلىقتاي كەرٸ ەسەرٸن تيگٸزٸپ وتىر. بۇقتىرماداعى وكتيابرسكيي پوسەلكەسٸنە جاز ايلارىندا قاتىناۋشىلار بٸراز بارشىلىق. قايسىبٸر باعىتتاعى اۆتوبۋستارىمىزدىڭ ٶز شىعىنىن اقتامايتىندارى دا بار. ٶتكەندە بۋحگالتەرييا ەسەپتەپ, زىريان باعىتىنا جٷرەتٸن بٸر شاعىن اۆتوبۋستىڭ بٸر ايدا 320 مىڭ تەڭگە شىعىن كەلتٸرگەنٸن ايتتى. بٸز الا جازداي تىنىمسىز جۇمىس ٸستەيمٸز دە, قىس بويى سول تاپقان تابىسىمىزعا كٷن كٶرەمٸز. باسقا امالىمىز جوق. قىس ماۋسىمى بٸزدەر ٷشٸن ٶتە تيٸمسٸز, جۇمىسىمىز 60-70 پايىزعا توقتاپ قالادى. مەكەمەمٸزدە 37 ادام بولسا, سونىڭ 23-ٸ جٷرگٸزۋشٸلەر. مەن بۇرىن زاۆودتا ٸستەدٸم دەدٸم عوي. وندا جٷرگەندە سەنبٸ, جەكسەنبٸ, ول از بولسا مەرەكە كٷندەرٸندە ەل قاتارلى ارمانسىز دەمالاتىنبىز. ارتىق نەرسەگە باس قاتىرۋ دەگەن جوق. جالاقىمىز دا جاقسى بولدى. ال مۇندا ونداي مەرەكە, دەمالىس دەگەندٸ ۇمىتتىق. بۇرىن ەكەم ديرەكتور بوپ جٷرگەنٸندە سىرتتاي قاراپ, جەڭٸل جۇمىس دەپ ويلاۋشى ەدٸم. سٶيتسەم, ناعىز مازاسىز جۇمىستىڭ ٶزٸ ەكەن. قالاعا بولسىن, دالاعا بولسىن كٸسٸ تاسىمالداۋعا كەتكەن اۆتوبۋستاردىڭ ەڭ سوڭعىسى امان-ەسەن ورالمايىنشا الاڭداپ, جايباراقات وتىرا المايسىڭ. سونىسىنا قاراماستان وسى كەسٸبٸمدٸ ٶزٸم ۇناتامىن, – دەيدٸ جاڭاشىل ديرەكتور بوريس ليتۆينوۆ.
سەرەبريانكا قالاسىنا جەتۋ ٷشٸن قانداي قاۋٸپتٸ تاۋ جولدارىنان اسۋ كەرەكتٸگٸن سٶز باسىندا ايتتىق. ول ەنشەيٸن وسىلاي دا, وسىلاي بولۋى مٷمكٸن دەگەن جاي بولجام نەمەسە دولبار ەمەس. شىنىمەن دە قاۋٸپتٸ, قاتەرلٸ جول. وعان وسىدان ون شاقتى جىل بۇرىن ٶزٸمنٸڭ دە كۋە بولعانىم بار. مەزگٸل قار ارالاس جاۋىن جاۋىپ تۇرعان كٷزدٸڭ سوڭى بولاتىن. جۇمىس بابىمەن سەرەبريانسك قالاسىنا بارىپ, كەرٸ قايتقان ساپارىمىزدا 20 كٸسٸلٸك پاز اۆتوبۋسىنا مٸندٸك. مانادان بەرٸ ٶگٸز اياڭمەن ىڭىرانىپ, ٶرگە ەزەر كٶتەرٸلٸپ كەلە جاتقان اۆتوبۋسىمىز كەنەت تارتپاي, ٶكٸرٸپ-باقىرىپ بٸرەر مەرتە جۇلقىپ-جۇلقىپ الدى دا, اقىرى قاقالىپ-شاشالىپ ٶشتٸ دە قالدى. قايتا وتالىپ, ورنىنان قوزعالعانى بىلاي تۇرسىن, اۆتوبۋسىمىز ٶز سالماعىمەن كٶتكەنشەكتەگەن قالپى بٸراز جەرگە دەيٸن بارىپ, جولدىڭ قاق ورتاسىنا كٶلدەنەڭدەي توقتادى. اقىرى جولاۋشى بٸتكەن شۋلاپ-شۇرقىراپ جٷرٸپ دٶڭگەلەگٸنٸڭ استىنا قۇم تٶگٸپ, اۆتوبۋستى ەزەر دەگەندە ەتەككە تٷسٸرٸسكەنٸمٸز بار...
سوندىقتان, تەك قانا سەرەبريانسك باعىتى ەمەس, جالپى جول جٷرگەندە بارىنشا قاۋٸپسٸزدٸك ەرەجەلەرٸن مۇقييات ساقتاعان ابزال. تاياۋدا بوريس ليتۆينوۆپەن حابارلاسقانبىز.
- ەشقانداي جول اپاتىنسىز قىستان امان-ەسەن شىعىپ, جاز ماۋسىمىنا كٸرٸسٸپ كەتتٸك. جاقىن كٷندەرٸ رەسەيدەن تاعى بٸر «مەرسەدەس» اۆتوبۋسىن ەكەلمەكپٸن, – دەپ سوڭعى جاڭالىعىمەن بٶلٸستٸ.
كٶپكە قىزمەت كٶرسەتٸپ جٷرگەن ازاماتتاردىڭ ەڭبەگٸ جانا بەرسٸن!
سەرٸك قۇسانباەۆ
"ديدار"
