سوڭعى 5 جىلدا ەلٸمٸزدە جول بويىندا مالدى باسىپ كەتكەن 643 وقيعا تٸركەلدٸ. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ اۆتوموبيل جولدارى كوميتەتٸنە قاراستى «جول اكتيۆتەرٸ ۇلتتىق ساپا ورتالىعى» رمك باس ديرەكتورى زامير ساعىنوۆ ايتتى, دەپ حابارلايدى قازاقپارات.
«تاعى بٸر كٶكەيتەستٸ مەسەلەگە نازارلارىڭىزدى اۋدارعىم كەلٸپ وتىر. ول – مالدى باسىپ كەتۋ دەرەگٸ بويىنشا ورىن الاتىن جول-كٶلٸك وقيعالارى. بۇنداي جاعدايلار كٶبٸنە يەلەرٸنٸڭ قاراۋسىز قالدىرىلعان ٷي جانۋارلارىنىڭ قاتىسۋىمەن ورىن الادى. سوڭعى 5 جىلدا مالدى باسىپ كەتكەن 643 وقيعا تٸركەلگەن. مۇنداي جاعدايلاردا, جٷرگٸزۋشٸلەر ماتەريالدىق شىعىن شەگٸپ قانا قويماي, اۋىر جاراقاتتانىپ, تٸپتٸ قازا بولىپ جاتادى», - دەدٸ ول ورتالىق كوممۋنيكاتسييالار قىزمەتٸندە باسپاسٶز مەسليحاتى بارىسىندا.
ورتالىق باس ديرەكتورىنىڭ مەلٸمەتٸنشە, تەك ٶتكەن جىلدىڭ ٶزٸندە رەسپۋبليكالىق تراسسالاردا وسىنداي 104 جول-كٶلٸك وقيعاسى ورىن الىپ, 140 ادام جاراقاتتانسا, 36 ادام قايتىس بولعان.
«ٷي جانۋارلارىن جولدار بويىندا ەركٸن جايۋدى بولدىرماۋ ٷشٸن مەنٸڭشە, مال يەلەرٸنٸڭ جاۋاپكەرشٸلٸگٸن قاتايتۋ قاجەت. سونداي-اق ٷي جانۋارلارى يەلەرٸن جاۋاپكەرشٸلٸككە تارتۋ مەسەلەسٸن زاڭدىق نەگٸزدە ناقتى تەتٸكتەرمەن بەكٸتۋ كەرەك دەپ سانايمىن», - دەدٸ زامير ساعىنوۆ.
