بٷگٸن نۇر-سۇلتان قالاسى بايقوڭىر اۋدانىنىڭ №2 سوتى مەيرام جانعۇتتينوۆكە قاتىستى الاياقتىققا قاستاندىق جاساۋ فاكتٸسٸ بويىنشا (قك 24-بابى 3-بٶلٸگٸ, 190-بابى 3-بٶلٸگٸ 1-2 تارماعى) جەنە ل. تۇرعىنباەۆاعا پارا بەرگەنٸ ٷشٸن (قك 367-بابى 3-بٶلٸگٸ 2 تارماعى) ايىپتاۋ ٷكٸمٸن جارييالادى.

ەلوردالىق سوتتىڭ حابارلاۋىنشا, م. جانعۇتتينوۆ جاۋاپتى مەملەكەتتٸك لاۋازىمدى اتقاراتىن تۇلعا بولا وتىرىپ (قر جوعارعى سوتىنىڭ سۋدياسى, بٷگٸندە ٶكٸلەتتٸگٸ توقتاتىلدى), پارا الۋ جەلەۋٸمەن تۇرعىنباەۆادان (شىمكەنت قالاسى ەل-فارابي اۋداندىق سوتىنىڭ سۋدياسى, ٶكٸلەتتٸگٸ توقتاتىلدى) دەلدال ابدۋساتتاروۆ ارقىلى 7 مىڭ اقش دوللارى سوماسىنداعى قاراجاتتى يەمدەنۋگە تىرىستى.

جوعارعى سوتتىڭ ەكس-سۋدياسى م. جانعۇتتينوۆ اقشا الۋ كەزٸندە ۇستالعان.

«سوت جازا تاعايىنداۋ كەزٸندە جانعۇتتينوۆ پەن تۇرعىنباەۆاعا قاتىستى سۋديا انتىن بۇزۋ اۋىر جاعداي دەپ تانىپ, باس بوستاندىعىنان ايىرۋ جازاسىن ەدٸل جازا دەپ سانادى. وسىعان بايلانىستى جانعۇتتينوۆ 5 جىلعا باس بوستاندىعىنان ايىرىلدى. تۇرعىنباەۆاعا قاتىستى جازانى جەڭٸلدەتەتٸن مەن-جايلار ەسكەرٸلدٸ. ياعني, شىن جٷرەكتەن ٶكٸنۋ جەنە قىلمىستى اشۋ مەن وعان قاتىسى بارلاردى ەشكەرەلەۋگە بەلسەندٸ ىقپال ەتكەنٸن ەسكەرە وتىرىپ (قك 55-بابى 4-بٶلٸگٸ) ول 5 جىلعا سوتتالدى. سوتتالۋشىنىڭ ەكەۋٸ دە ٶمٸر بويى مەملەكەتتٸك قىزمەتتە جۇمىس ٸستەۋ قۇقىعىنان ايىرىلدى», - دەلٸنگەن حابارلامادا.

سوت ٷكٸمٸ زاڭدى كٷشٸنە ەنگەن جوق.