جاقىن قارىم-قاتىناس كەزٸندە جەزٶكشەنٸ قىلعىندىرىپ ٶلتٸرگەن 19 جاستاعى تەمٸرتاۋلىق 19 جىلعا باس بوستاندىعىنان ايىرىلدى. ونىڭ ٸسٸ قايتا قارالدى, - دەپ حابارلايدى Tengrinews.kz.
قاراعاندى وبلىسى قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا جاقىن قارىم-قاتىناس كەزٸندە جەزٶكشەنٸ ٶلتٸرٸپ, ودان اقشا مەن التىن بۇيىمىن ۇرلاپ كەتكەن تەمٸرتاۋلىققا قاتىستى قىلمىستىق ٸس قايتا قارالدى. سوت تالقىلاۋىنا القابيلەر قاتىستى. ولار ايىپتاۋ ٷكٸمٸن شىعاردى.
سوتتا ايىپتالۋشى جەبٸرلەنۋشٸنٸ پايداكٷنەمدٸك ماقساتتا ٶلتٸرٸپ, كەيٸن بەرگەن اقشاسىن, ۇيالى تەلەفونى مەن التىن بۇيىمدارىن ۇرلاعانى انىقتالدى.
"سوتتالۋشى القابيلەر ٷكٸمٸمەن "پايداكٷنەمدٸك نيەتپەن كٸسٸ ٶلتٸرگەنٸ" جەنە "ۇرلىق" جاساعانى ٷشٸن كٸنەلٸ دەپ تانىلدى (قك-نٸڭ 99-بابى 2-بٶلٸگٸ 8-تارماعى, 188 بابى 1-بٶلٸگٸ). وعان ەڭ جوعارى قاۋٸپسٸزدٸك قىلمىستىق-اتقارۋ جٷيەسٸ مەكەمەسٸندە جازاسىن ٶتەۋ جەنە 19 جىلعا باس بوستاندىعىنان ايىرۋ جازاسى تاعايىندالدى. جەبٸرلەنۋشٸ تاراپ پايداسىنا مورالدىق زييان كەلتٸرگەنٸ ٷشٸن 10 ميلليون تەڭگە ٶندٸرٸلدٸ. ٷكٸم زاڭدى كٷشٸنە ەنگەن جوق", - دەپ حابارلادى قاراعاندى وبلىستىق سوت باسپاسٶز قىزمەتٸ ٶكٸلدەرٸ.
ايتا كەتەيٸك, سوتتالعان ادامعا قاتىستى قىلمىستىق ٸس ٶتكەن جىلى قاراعاندى وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالعان.
ول كەزدە القابيلەر سوتى ايىپتالۋشى جەبٸرلەنۋشٸنٸ ابايسىزدا ٶلتٸرگەن دەگەن بولجامعا كەلگەن. نەتيجەسٸندە وعان 1,6 جىلعا باس بوستاندىعىنان ايىرۋ جازاسى كەسٸلدٸ. الايدا 2021 جىلدىڭ قاڭتارىندا پروكۋراتۋرا بٸرٸنشٸ ٷكٸمگە شاعىمدانىپ, قاراعاندى وبلىستىق سوتى قىلمىستىق ٸستٸ جاڭا قارالىمعا جٸبەردٸ. بۇرىنعى ٷكٸم كٷشٸن جويدى.
