تۇرعىندار ونكولوگييالىق ناۋقاستارعا مەديتسينالىق كٶمەك ۇيىمداستىرۋدى بۇرىننان سۇراعان بولاتىن. جەرگٸلٸكتٸ بيلٸك اتالمىش مەسەلە شەشٸلٸپ جاتقانىن مەلٸم ەتتٸ, دەپ حابارلايدى "ۇلت اقپارات".
جەزقازعان ٶڭٸرٸنە جۇمىس ساپارى بارىسىندا قاراعاندى وبلىسىنىڭ ەكٸمٸ جەڭٸس قاسىمبەككە دەنساۋلىق ساقتاۋ سالاسىنداعى ينفراقۇرىلىمدىق جوبالار ۇسىنىلدى.
«ٶتكەن ەكٸ جىلدا وبلىستىق بيۋدجەتتەن قارجىلاندىرۋ جەنە «قازاقمىس» كورپوراتسيياسىنىڭ كٶمەگٸنٸڭ ارقاسىندا ٶڭٸردٸڭ مەديتسينالىق مەكەمەلەرٸن جابدىقتاۋ جاقساردى. بٸراق بۇل جەتكٸلٸكسٸز. 2023 جىلعا دەيٸن ەسەپتەلگەن بٸرلەسكەن باعدارلامانى قابىلداپ, ٸسكە اسىرۋعا كٸرٸستٸك. ول ٷش باعىتتى قامتيدى:
ينفراقۇرىلىمدى دامىتۋ, مامانداردى تارتۋ, ماتەريالدىق-تەحنيكالىق جابدىقتاۋ», – دەپ باياندادى جەزقازعان مەديتسينالىق ورتالىعىن ارالاۋ كەزٸندە دەنساۋلىق ساقتاۋ باسقارماسىنىڭ باسشىسى گامال توقسامباەۆ.
جەڭٸس قاسىمبەك مەديتسينالىق ورتالىقتىڭ جاعدايىمەن تانىسىپ, دەرٸگەرلەرمەن ەڭگٸمەلەستٸ.
«جەزقازعاندا دەنساۋلىق ساقتاۋ سالاسىن دامىتۋ ٷشٸن بٸراز جۇمىستار اتقارىلدى.
مۇندا مودۋلدٸك جۇقپالى اۋرۋلار اۋرۋحاناسى سالىندى. مامانداردىڭ جەتٸسپەۋشٸلٸگٸ ەلٸ دە بار, بٸراق بۇل مەسەلە شەشٸلۋدە. بٸزدٸڭ مٸندەتٸمٸز – سٸزدەردٸڭ ٶڭٸر تۇرعىندارىڭىز وبلىس ورتالىعىنا بارماي-اق جوعارى بٸلٸكتٸ مەديتسينالىق كٶمەك الۋى ٷشٸن جاعداي جاساۋ. ول ٷشٸن قولىمىزدان كەلگەننٸڭ بارلىعىن جاسايتىن بولامىز», – دەدٸ وبلىس ەكٸمٸ.
