Turǵyndar onkologiialyq naýqastarǵa meditsinalyq kómek uiymdastyrýdy burynnan suraǵan bolatyn. Jergilikti bilik atalmysh másele sheshilip jatqanyn málim etti, dep habarlaidy "Ult aqparat".
Jezqazǵan óńirine jumys sapary barysynda Qaraǵandy oblysynyń ákimi Jeńis Qasymbekke densaýlyq saqtaý salasyndaǵy infraqurylymdyq jobalar usynyldy.
«Ótken eki jylda oblystyq biýdjetten qarjylandyrý jáne «Qazaqmys» korporatsiiasynyń kómeginiń arqasynda óńirdiń meditsinalyq mekemelerin jabdyqtaý jaqsardy. Biraq bul jetkiliksiz. 2023 jylǵa deiin eseptelgen birlesken baǵdarlamany qabyldap, iske asyrýǵa kiristik. Ol úsh baǵytty qamtidy:
infraqurylymdy damytý, mamandardy tartý, materialdyq-tehnikalyq jabdyqtaý», – dep baiandady Jezqazǵan meditsinalyq ortalyǵyn aralaý kezinde densaýlyq saqtaý basqarmasynyń basshysy Gamal Toqsambaev.
Jeńis Qasymbek meditsinalyq ortalyqtyń jaǵdaiymen tanysyp, dárigerlermen áńgimelesti.
«Jezqazǵanda densaýlyq saqtaý salasyn damytý úshin biraz jumystar atqaryldy.
Munda modýldik juqpaly aýrýlar aýrýhanasy salyndy. Mamandardyń jetispeýshiligi áli de bar, biraq bul másele sheshilýde. Bizdiń mindetimiz – sizderdiń óńir turǵyndaryńyz oblys ortalyǵyna barmai-aq joǵary bilikti meditsinalyq kómek alýy úshin jaǵdai jasaý. Ol úshin qolymyzdan kelgenniń barlyǵyn jasaityn bolamyz», – dedi oblys ákimi.
