سولتٷستٸك قازاقستان وبلىسى «جەزقازعان-پەتروپاۆل» اۆتوجولىندا بٸر كٷندە ەكٸ جول-كٶلٸك وقيعاسى تٸركەلدٸ. بٸرەۋٸندە جەدەل جەردەم كٶلٸگٸ اۋدارىلىپ قالدى, دەپ حابارلايدى "ۇلت اقپارات".
جول-كٶلٸك وقيعالارىنىڭ بەينەجازباسى ەلەۋمەتتٸك جەلٸدە جەرگٸلٸكتٸ پابليكتەردە تارادى.
قىزىلجار اۋداندىق پوليتسييا بٶلٸمٸنٸڭ مەلٸمەتٸنشە, 29 شٸلدە كٷنٸ ساعات 12.00 شاماسىندا «جەزقازعان-پەتروپاۆل» اۆتوجولىنىڭ بەسكٶل اۋىلى ماڭىندا جول-كٶلٸك وقيعاسى تٸركەلدٸ. «Nissan Cefiro» كٶلٸگٸنٸڭ جٷرگٸزۋشٸسٸ, بەسكٶل اۋىلىنىڭ 1996 جىلى تۋعان تۇرعىنى الدىنداعى كٶلٸكتٸ باسىپ وزباق بولعان. الايدا قاۋٸپسٸزدٸككە كٶز جەتكٸزبەي مانەۆر جاساپ, «گازەل» كٶلٸگٸمەن سوقتىعىستى. جٷك كٶلٸگٸن پەتروپاۆلدىڭ 45 جاستاعى تۇرعىنى باسقارعان.
جول-كٶلٸك وقيعاسىنىڭ سالدارىنان ەكٸ كٶلٸكتٸڭ دە جولاۋشىلارى جاراقات الدى. ولار اۋداندىق اۋرۋحاناعا جەتكٸزٸلدٸ.
مامانداردىڭ ايتۋىنشا, قازٸرگٸ ۋاقىتتا پروتسەسسۋالدى شەشٸم شىعارۋ ٷشٸن ماتەريال جينالىپ جاتىر.
ال ەكٸنشٸ جول-كٶلٸك وقيعاسىندا جەڭٸل كٶلٸك پەن جەدەل-جەردەم ماشيناسى سوقتىعىستى. وقيعا تٷس كەزٸندە بولعان. جەدەل جەردەم كٶلٸگٸ اۋدارىلىپ قالدى. ەكٸنشٸ ماشينا دا قاتتى زاقىمداندى. وقيعا ورنىندا پوليتسييا قىزمەتكەرلەرٸ جۇمىس ٸستەپ جاتىر.
