الماتى وبلىسىندا سوڭعى بەس جىلدا 75 مەكتەپ سالىندى, سونىڭ 30 مىڭ ورىندىق 55 مەكتەبٸ ٷش اۋىسىمدى مەكتەپتەردٸڭ مەسەلەسٸن شەشۋ ٷشٸن تۇرعىزىلعان. وعان جىل سايىن بٸلٸم سالاسىنا بٶلٸنەتٸن قارجىنىڭ ارتۋى سەپتەسٸپ وتىر. مىسالى اتالعان سالاعا بٶلٸنگەن قارجى بيىلعى جىلى 59 ملرد. تەڭگەگە ۇلعايتىلىپ, 266 ملرد. تەڭگەنٸ قۇرادى. سونىڭ 14 ملرد. تەڭگەسٸ قۇرىلىسقا بٶلٸنگەن, بۇل ٶتكەن جىلمەن سالىستىرعاندا 6,6 ملرد. تەڭگەگەارتىق. بۇل تۋرالى الماتى وبلىسىنىڭ ەكٸمٸ ا. باتالوۆتىڭ تۇرعىندار الدىنداعى ەسەپ بەرۋ جيىنىندا بەلگٸلٸ بولدى.
وبلىس ەكٸمٸنٸڭ ايتۋىنشا, تۋۋ كٶرسەتكٸشٸنٸڭ ارتۋى مەن ٸشكٸ كٶشٸ-قون ەسەبٸنەن جىل سايىن بالا سانى 20 مىڭعا ٶسٸپ وتىر. مەسەلەن, ٶتكەن جىلى 48 مىڭ بالا مەكتەپ تابالدىرىعىن اتتاپ, بٸرٸنشٸ سىنىپقا بارعان. قازٸر وبلىستا ٷش اۋىسىمدا وقىتاتىن 38 مەكتەپ بار. بيىلعى جىلى جالپى قۇنى 11,2 ملرد. تەڭگە بولاتىن 13 مەكتەپ سالىنسا, سونىڭ 8-ٸ ٷش اۋىسىمدىلىقتى جويۋعا باعىتتالادى. ولار - جامبىل اۋدانىنىڭ قاسىمبەك, جايساڭ اۋىلدارىنداعى, ٸلە اۋدانىنىڭ تٷيمەباەۆ, قاراوي, جەپەك باتىر, قوسٶزەن, بورالداي اۋىلدارىنداعى, قاراساي اۋدانىنىڭ شامالعان اۋىلىنداعى مەكتەپتەر.
- وعان قوسا بٸز جالپى قۇنى 10,3 ملرد. تەڭگە بولاتىن تاعى 6 مەكتەپتٸڭ قۇرىلىسىن باستاۋىمىز كەرەك. سول سيياقتى جەكە ينۆەستيتسييا ەسەبٸنەن مەكتەپ سالۋ مەسەلەسٸن قاراستىرىپ جاتىرمىز. قازٸردٸڭ ٶزٸندە مەملەكەتتٸك-جەكەمەنشٸك ەرٸپتەستٸك اياسىندا قاراتال اۋدانىنىڭ قوجبان اۋىلىندا باستاۋىش مەكتەپ, قاراساي اۋدانىنىڭ ەيتەي اۋىلىندا 1200 ورىندى مەكتەپ تۇرعىزىلدى, - دەدٸ ا. باتالوۆ.
الماتى وبلىسى ەكٸمٸنٸڭ باسپاسٶز قىزمەتٸ
