فوتو: pixabay.com
جەتٸسۋ وبلىسىندا جۇمىرتقا مەن مايدىڭ باعاسىن كٶتەرگەن كەسٸپكەرلەر جازالاندى, دەپ حابارلايدى Ult.kz ساۋدا جەنە ينتەگراتسييا مينيسترلٸگٸنٸڭ رەسمي سايتىنا سٸلتەمە جاساپ.
جۇمىرتقا مەن ماي ەلەۋمەتتٸك ماڭىزى بار ازىق-تٷلٸككە جاتادى. ال ونداي تاۋارلاردىڭ ٷستەمەاقىسى 15 پروتسەنتتەن اسپاۋعا تيٸس. جەتٸسۋ وبلىسىندا تەكسەرٸس كەزٸندە كەيبٸر كەسٸپكەرلەردٸڭ بۇل تالاپتى ساقتاماي وتىرعانى انىقتالدى.
"ساۋدا كومپانييالارىنىڭ بٸرەۋٸ جۇمىرتقا ٶندٸرۋشٸدەن بٸر داناسىن 50 تەڭگەدەن ساتىپ الىپ, ونى جيىرمادان استام فيرمالىق دٷكەندە 60–75 تەڭگە ارالىعىندا ساتقان. ساۋدا ٷستەمەسٸ 20–50%-عا دەيٸن جەتٸپ, رۇقسات ەتٸلگەن شەكتەن ايتارلىقتاي اسقان. ەكٸمشٸلٸك ىقپال ەتۋ شارالارى قولدانىلعاننان كەيٸن جۇمىرتقا باعاسى تٶمەندەتٸلدٸ", - دەيدٸ تۇتىنۋشىلار قۇقىقتارىن قورعاۋ دەپارتامەنتٸنٸڭ ماماندارى.
سول سيياقتى تاعى بٸر كومپانييا سارى مايدى باسقا سەرٸكتەستٸككە جەتكٸزٸپ, ارتىنان ونى جەتٸ ساۋدا جەلٸسٸ مەن ٷي جانىنداعى دٷكەندەر ارقىلى 40–61% ساۋدا ٷستەمەسٸمەن ساتقان. بارلىق كەسٸپكەرگە ايىپپۇل سالىندى.
ايتا كەتەرٸ, جىل باسىنان بەرٸ وبلىستا ساۋدا ٷستەمەسٸن ساقتاماۋ بويىنشا 17 ماتەريال قارالدى. سونىڭ نەتيجەسٸندە جالپى سوماسى 185 975 تەڭگە ايىپپۇل سالىندى.
