Foto: pixabay.com
Jetisý oblysynda jumyrtqa men maidyń baǵasyn kótergen kásipkerler jazalandy, dep habarlaidy Ult.kz Saýda jáne integratsiia ministrliginiń resmi saityna silteme jasap.
Jumyrtqa men mai áleýmettik mańyzy bar azyq-túlikke jatady. Al ondai taýarlardyń ústemeaqysy 15 protsentten aspaýǵa tiis. Jetisý oblysynda tekseris kezinde keibir kásipkerlerdiń bul talapty saqtamai otyrǵany anyqtaldy.
"Saýda kompaniialarynyń bireýi jumyrtqa óndirýshiden bir danasyn 50 teńgeden satyp alyp, ony jiyrmadan astam firmalyq dúkende 60–75 teńge aralyǵynda satqan. Saýda ústemesi 20–50%-ǵa deiin jetip, ruqsat etilgen shekten aitarlyqtai asqan. Ákimshilik yqpal etý sharalary qoldanylǵannan keiin jumyrtqa baǵasy tómendetildi", - deidi tutynýshylar quqyqtaryn qorǵaý departamentiniń mamandary.
Sol siiaqty taǵy bir kompaniia sary maidy basqa seriktestikke jetkizip, artynan ony jeti saýda jelisi men úi janyndaǵy dúkender arqyly 40–61% saýda ústemesimen satqan. Barlyq kásipkerge aiyppul salyndy.
Aita keteri, jyl basynan beri oblysta saýda ústemesin saqtamaý boiynsha 17 material qaraldy. Sonyń nátijesinde jalpy somasy 185 975 teńge aiyppul salyndy.
