فوتو: اشىق دەرەككٶز
جەتٸسۋ وبلىسىندا قۇتقارۋ جۇمىستارى كەزٸندە تجد قىزمەتكەرٸ قازا تاپتى, دەپ حابارلايدى وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸ.
قايعىلى وقيعا 7 ناۋرىزدا بولعان. جەتٸسۋ وبلىسى پانفيلوۆ اۋدانى اتامەكەن اۋىلدىق وكرۋگٸندەگٸ التىنكٶل كٶلٸندە ەر ادام سۋعا اعىپ كەتكەن.
"بالىق اۋلاپ جٷرگەندە مۇز جارىلىپ, سالدارىنان بٸر ادام مۇز كەسەگٸمەن بٸرگە كٶلدٸڭ ورتاسىنا قاراي اعىپ كەتكەنٸ تۋرالى حابارلاما تٷستٸ", - دەيدٸ دەپارتامەنت قىزمەتكەرلەرٸ.
وقيعا ورنىنا جەتٸسۋ وبلىسىنىڭ تجد كٷشتەرٸ مەن قۇرالدارى, جاركەنت قالاسىنداعى №11 ٶرت سٶندٸرۋ بٶلٸمٸنٸڭ قىزمەتكەرلەرٸ, تالدىقورعان قالاسىنىڭ جەدەل-قۇتقارۋ جاساعى, سونداي-اق قر تجم "بارىس" رەسپۋبليكالىق قۇتقارۋ قىزمەتٸنٸڭ جەنە الماتى وبلىسى تجد قۇتقارۋشىلارى جٸبەرٸلگەن.
"قۇتقارۋ جۇمىستارىن جٷرگٸزۋ بارىسىندا مۇز قايتادان جارىلىپ, سونىڭ سالدارىنان پانفيلوۆ اۋدانى تٶتەنشە جاعدايلار بٶلٸمٸنٸڭ №11 ٶرت سٶندٸرۋ بٶلٸمٸنٸڭ قاراۋىل باستىعى, ازاماتتىق قورعاۋ مايورى تارانوۆ دامير تايىرجانۇلى كٶز جۇمدى", - دەيدٸ تٶتەنشە جاعدايلار قىزمەتٸ.
دامير تارانوۆ ازاماتتىق قورعاۋ جٷيەسٸندەگٸ ەڭبەك جولىن 2016 جىلدان باستاعان. مارقۇمنىڭ ارتىندا جۇبايى مەن ەكٸ بالاسى قالدى.
