الماتى وبلىسى بوكس فەدەراتسيياسىنىڭ جاڭا پرەزيدەنتٸ سايلاندى. كەزەكتٸ باسشىنى سايلاۋ رەسٸمٸ الماتى قالاسىنداعى وبلىس ەكٸمدٸگٸ ٶكٸلدٸگٸنٸڭ مەجٸلٸس زالىندا ٶتتٸ. وسىعان وراي, ايماقتىڭ بوكس فەدەراتسيياسىن 2009 جىلدان بەرٸ باسقارىپ كەلگەن باۋىرجان وسپانوۆ ٶز ەركٸمەن قىزمەتٸنەن كەتتٸ.
جيىندا الدىمەن باۋىرجان وسپانوۆتىڭ وسى ارالىقتا اتقارعان ەڭبەگٸ سارالاندى. شارانى جٷرگٸزٸپ وتىرعان قازاقستان بوكس فەدەراتسيياسىنىڭ باس زاڭگەرٸ ارسەن تٶلەۋوۆ باۋىرجان كەڭەسبەكۇلىنىڭ ەڭبەگٸنە توقتالا وتىرىپ, ونىڭ سپورتتىڭ كٷردەلٸ دە ماشاھاتتى سالاسىن دامىتۋعا قوسقان ٷلكەن ٷلەسٸن اتاپ ٶتتٸ. ەرٸ وسىنداي قاجىرلى ەڭبەكتٸڭ نەتيجەسٸندە وبلىس قۇراماسى ەلٸمٸزدٸڭ ٷزدٸك ٷشتٸك كومانداسىنا كٸرگەندٸگٸن جەتكٸزدٸ.
وسى رەتتە, باۋىرجان وسپانوۆ بايانداما جاساپ, ٶزٸ جەتەكشٸلٸك ەتكەن كەزەڭدە اتالعان سالانى ٶركەندەتۋ جولىندا اتقارىلعان جۇمىستارعا قىسقاشا توقتالىپ ٶتتٸ. ول ەۋەلٸ سپورتتىڭ قانداي تٷرٸ بولسا دا تەك قۇلشىنىسپەن, نيەتپەن عانا دامي قويمايتىنىن, ول ٷشٸن ەۋەلٸ سالانىڭ ماتەريالدىق-تەحنيكالىق جاراقتانۋىن قامتاماسىز ەتۋدٸڭ ماڭىزدىلىعىن تٸلگە تيەك ەتتٸ. – ماعان دەيٸن ٶلكەنٸڭ بوكس سالاسىنا جىلىنا 30 ملن. تەڭگە بٶلٸنٸپ كەلگەن بولسا, بٷگٸندەرٸ بۇل كٶرسەتكٸش 150 ملن. تەڭگەگە دەيٸن ٶستٸ. بۇل وقۋ-جاتتىعۋ جيىندارىن بۇرىنعىداي بٸر رەت قانا ەمەس, جىلىنا ٷش-تٶرت مەرتە ٶتكٸزۋگە مٷمكٸندٸك بەردٸ. وسى ۋاقىت ارالىعىندا وبلىسىمىزدىڭ اۋدان ورتالىقتارى مەن اۋىلدارىندا ونداعان سپورت ورتالىقتارى اشىلىپ, ماتەريالدىق بازاسى جاقسارتىلدى. ەڭبەكشٸقازاق اۋدانىنىڭ بەيتەرەك اۋىلىندا ۇلتتىق قۇرامانى جاتتىقتىراتىن وليمپيادا رەزەرۆٸ بازاسى سالىنىپ, ٶلكەمٸزدە جىل سايىن رەسپۋبليكالىق جەنە حالىقارالىق جارىستار ٶتكٸزٸلدٸ.سوڭعى ون جىلدا جاتتىقتىرۋشىلار مەن تٶرەشٸلەر قۇرامى كەڭەيٸپ, ولاردىڭ بٸلٸكتٸلٸگٸ ارتتى. قازاق بوكسىنىڭ دامۋىنا وبلىسىمىزدان شىققان قانات يسلام, جەنٸبەك ەلٸمحانۇلى سىندى سپورتشىلارىمىزدىڭ جەتكەن جەتٸستٸكتەرٸ ٷلكەن ىقپال ەتتٸ. قوسىمشا قارجىلىق قولداۋدىڭ نەتيجەسٸندە 2015 جىلى الاكٶل اۋدانىنىڭ لەپسٸ اۋىلىندا دارىندى بالالارعا ارنالعان مەكتەپ-ينتەرناتى اشىلدى. بٷگٸندە مۇندا 13 جاسقا تولعان 150 جەتكٸنشەك بٸلٸم الىپ, شەبەرلٸكتەرٸن شىڭداۋدا. سپورت مەكتەبٸندە وقيتىن بالالاردىڭ بارلىعى ستيپەندييامەن قامتاماسىز ەتٸلٸپ, رەسپۋبليكالىق جەنە حالىقارالىق جارىستارعا تەگٸن قاتىسۋعا مٷمكٸندٸك الدى, – دەدٸ ول.
باۋىرجان وسپانوۆ بۇدان ەرٸ فەدەراتسييانىڭ ماقساتتى جۇمىسىنىڭ نەتيجەسٸندە حالىقارالىق بايلانىس نىعايا تٷسكەنٸن ايتا وتىرىپ, تالدىقورعاندا ٶتەتٸن جاتتىعۋ جيىندارى مەن بوكستان ٶتكٸزٸلٸپ تۇراتىن جىل سايىنعى «جەتٸسۋ» تۋرنيرٸنە كۋبا, رەسەي, بەلورۋسسييا, ەزٸربايجان, ٶزبەكستان, قىرعىزستان جەنە تەجٸكستان ەلدەرٸنەن سپورتشىلاردىڭ تۇراقتى تٷردە قاتىسىپ وتىرعانىن جەتكٸزدٸ.
– وسى بارىستا «جەتٸسۋ» تۋرنيرٸ وبلىستىق جارىستان حالىقارالىق دەڭگەيگە كٶتەرٸلٸپ, جارىس جەڭٸمپازدارىنا «سپورت شەبەرٸ» اتاعى بەرٸلەتٸن دەڭگەيگە دەيٸن ٶستٸ. وبلىستىق بوكس فەدەراتسيياسىنىڭ جۇمىسىن دامىتۋ ٷشٸن وسى جىلدار ارالىعىندا 1,5 ملرد. تەڭگە قارجى قوسىمشا جۇمسالعانى دا كٶپ جايدى اڭعارتسا كەرەك, – دەدٸ فەدەراتسييانىڭ بۇرىنعى باسشىسى.
وسىدان كەيٸن وبلىس ەكٸمٸنٸڭ ورىنباسارى, مەدەنيەت پەن سپورت سالاسىنا جەتەكشٸلٸك ەتەتٸن جاقسىلىق ومار سٶز الىپ, فەدەراتسييا باسشىلىعىنا ٷمٸتكەر ەسەبٸندەگٸ جوسپارىمەن تانىستىردى. بىلعارى قولعاپ ماماندارى مەن جاتتىقتىرۋشىلار تاراپىنان قولداۋ تاۋىپ, فەدەراتسييا تٶراعاسى بولىپ سايلانسا سەنٸمدەرٸن اقتاۋعا بار كٷش-جٸگەرٸن جۇمسايتىنىن جەتكٸزدٸ. جيىنعا قاتىسۋشىلار باۋىرجان وسپانوۆتىڭ ٶتٸنٸشٸن قابىل الىپ, جاقسىلىق وماردى بٸراۋىزدان وبلىستىق بوكس فەدەراتسيياسىنىڭ پرەزيدەنتٸ لاۋازىمىنا سايلادى.
جارىسسٶزگە شىققان ارداگەر-جاتتىقتىرۋشى تۇراربەك وماروۆ پەن وبلىستىق بوكس فەدەراتسيياسى پرەزيدەنتٸنٸڭ ورىنباسارى تۇرسىنعالي ەدٸلوۆ باۋىرجان كەڭەسبەكۇلىنا ٶلكەمٸز عانا ەمەس, قازاقستانداعى بوكس سپورتىن دامىتۋعا قوسقان ٷلەسٸ ٷشٸن العىستارىن جەتكٸزٸپ, جاڭادان سايلانعان جاقسىلىق مۇقاشۇلىنىڭ جۇمىسىنا جەمٸس تٸلەدٸ.
قوزىباي قۇرمان,
الماتى وبلىسى
