تەرەزەدەن قۇلاعالى تۇرعان بالانى قۇتقارعان ەلوردالىق ەسدەۋلەت دەۋٸتبەكوۆ «تٶتەنشە جاعدايداعى ەرلٸگٸ ٷشٸن» تٶسبەلگٸسٸمەن ماراپاتتالدى, دەپ حابارلايدى قازاقپارات تٶتەنشە جاعدايلار مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
«بٷگٸن تٶتەنشە جاعدايلار مينيسترلٸگٸندە مينيستر يۋريي يلين ەرلٸگٸمەن كٶزگە تٷسكەن دەۋٸتبەكوۆ ەسدەۋلەت ەسبولاتۇلىن «تٶتەنشە جاعدايداعى ەرلٸگٸ ٷشٸن» تٶسبەلگٸسٸمەن جەنە ەستەلٸك سىيلىقپەن ماراپاتتادى. كەزدەسۋگە باتىردىڭ اناسى ەسەمگٷل قابدىقالىقوۆا دا قاتىستى», - دەلٸنگەن رەسمي حابارلامادا.
يۋريي يلين بٷگٸنگٸنٸڭ باتىرىنا العىس بٸلدٸرٸپ, بولاشاقتا تجم ازاماتتىق قورعاۋ ورگاندارىنىڭ قاتارىنان وسىنداي ەر جٸگٸتتەردٸ كٶرگٸسٸ كەلەتٸنٸن ايتتى. سونىمەن قاتار, اناسىنا ناعىز باتىردى تەربيەلەگەنٸ ٷشٸن العىس بٸلدٸردٸ.
ەسكە سالساق, وقيعا 13 شٸلدەدە نۇر-سۇلتانداعى «شەرقالا» تۇرعىن ٷي كەشەنٸندە بولعان. 17 جاستاعى بوزبالا قۇتقارۋ بٶلٸمشەلەرٸ كەلگەنگە دەيٸن كٶرشٸ ٷيدٸڭ تەرەزەسٸنەن ٶتٸپ, 7-قاباتتان قۇلاعالى تۇرعان بالانى قۇتقارعان ەدٸ.
وقۋ-اعارتۋ مينيسترٸ اسحات ايماعامبەتوۆ ەلوردالىق مەكتەپ تٷلەگٸ ەسدەۋلەت دەۋٸتبەكوۆكە بٸلٸم گرانتىن تابىستادى.
سونداي-اق, ەلوردالىق مەتسەنات 3 بٶلمەلٸ پەتەر سىيلادى.
وسى ورايدا, تٶتەنشە جاعدايلار مينيسترلٸگٸ تۇرعىندارعا ەسكەرتەدٸ:
«قۇرمەتتٸ اتا-انالار, بۇل – بالا امان-ەسەن قۇتقارىلعان از عانا مىسالداردىڭ بٸرٸ. بٸراق, ٶكٸنشكە قاراي, قايعىلى اياقتالاتىن وقيعالار كٶپ كەزدەسەدٸ. بالالاردى ەرەسەكتەردٸڭ قاراۋىنسىز قالدىرماڭىز! ەگەر ٷيدە كٸشكەنتاي بالا بولسا, تەرەزەلەردٸ اشىق قالدىرماڭىز, ٶيتكەنٸ بالانىڭ قۇلاۋىنا ساناۋلى عانا سەكۋندتار جەتكٸلٸكتٸ. بۇل بالا ٶلٸمٸنە ەكەپ سوعۋى ەبدەن مٷمكٸن».
