تاياۋدا وبلىس ەكٸمٸنٸڭ ورىنباسارى ەربول سادىر ازاماتتاردى جەكە مەسەلەلەرٸ بويىنشا قابىلدادى. قابىلداۋ بارىسىندا ازاماتتاردىڭ جەر مەسەلەلەرٸندە شەشٸمٸن تاپپاي جٷرگەن تٷيٸتكٸلدٸ پروبلەمالارى تىڭدالدى, دەپ جازادى "ۇلت اقپارات" وقو ەكٸمٸنٸڭ باسپاسٶز قىزمەتٸنە سٸلتەمە جاساپ.
مەسەلەن, جەكە قابىلداۋعا كەلگەن شىمكەنت قالاسى, اباي اۋدانى, كٶكبۇلاق ەلدٸ مەكەنٸنٸڭ بٸر توپ تۇرعىندارى سايرام اۋدانىنان بەرٸلگەن جەردٸڭ باس جوسپاردىڭ ٶزگەرٸپ, شىمكەنت قالاسىنا ٶتۋٸنە بايلانىستى ول جەر تەلٸمدەرٸنە سوعىلعان ٷيلەردٸڭ بۇزىلۋىنا نارازىلىق بٸلدٸرە كەلٸپتٸ. بٸرشاما ۋاقىتتان بەرٸ شەشٸلمەي كەلە جاتقان جەر داۋىنىڭ تٷپ-تٶركٸنٸ مىناداي. باسپانالار گاز قۇبىرىنىڭ ٷستٸنە سوعىلعاندىقتان «قازترانسويل» كومپانيياسى ٷيلەردٸ سوت ارقىلى بۇزىلۋعا شەشٸم شىعارعان.
مەسەلەنٸڭ مەن-جايىنا قانىققان ەربول ەبٸلقايىرۇلى جەر تەلٸمٸنسٸز قالعان ەلدٸ مەكەن تۇرعىندارىنا شىمكەنت شاھارىنان جەر بەرٸلەتٸنٸن, ال كەلتٸرٸلگەن شىعىنداردىڭ ٶتەلەتٸنٸن مەلٸمدەدٸ. جۇمىستاردىڭ جاقىن ارادا شەشٸمٸن تاباتىنىن جەتكٸزگەن وبلىس ەكٸمٸنٸڭ ورىنباسارى جاڭادان قابىلدانعان جەر زاڭىن دا تٷسٸندٸرە كەتتٸ.
قابىلداۋعا كەلگەن كەزەكتٸ ازاماتتىڭ بٸرٸ دە شىمكەنتتەن. ب.مۋحامەدوۆ ەسٸمدٸ تۇرعىننىڭ جانايقايى دا جەر داۋىنا قاتىستى. ياعني, سوت ارقىلى الىنعان 68 گا جەردٸڭ مەسەلەسٸمەن جٷرگەن وعان ەكٸمدٸك تاراپىنان بارلىق قاجەتتٸ كٶمەك پەن قولداۋلاردىڭ كٶرسەتٸلگەنٸ ايتىلىپ, ەندٸگٸ كەزەكتٸ جۇمىستاردى پروكۋراتۋرا ٶكٸلدەرٸمەن اتقارۋ قاجەتتٸگٸ تٷسٸندٸرٸلدٸ.
بۇل كٷنٸ ە.سادىرمەن بولعان جەكە قابىلداۋعا جوعارىداعى ازاماتتار سىندى 8 كٸسٸ قاتىستى. وبلىس ەكٸمٸنٸڭ ورىنباسارى باياندالعان مەسەلەلەردٸ مۇقييات تىڭداپ, تيٸستٸ مەكەمە باسشىلارىنا ولاردىڭ شەشٸمٸن تابۋى بويىنشا ناقتى تاپسىرمالار بەردٸ.
